Россиялик миллиардерлар Украина уруши бошлангандан бери қанча маблағ йўқотгани маълум бўлди
Россиялик миллиардерлар февраль ойи охиридан бери 93 миллиард доллардан ортиқ зарар кўрган. Бу ҳақда РБК нашри хабар берди.
Хабарда қайд этилишича, Ер сайёрасининг энг бой одамлари рўйхатидан фақат биринчи 500 нафар тадбиркор бир йилда деярли 1,4 триллион доллар йўқотди. Шу билан бирга, Илон Маск (Tesla ва SpaceХ раҳбари), Жефф Безос (Аmazon асосчиси), Чангпенг Чжао (Binance крипто биржаси асосчиси) ва Марк Зукерберг (Meta асосчиси) 392 миллиард долларга яқин зарарни ташкил этади. Февраль ойидан бери украиналик энг бой 20 миллиардернинг бойлиги ҳам камайди, Forbes’нинг Украина нашри шундай хулосага келди. «Метинвеста» ва ДТЕК хўжайини Ринат Ахметов энг бадавлат украиналик бўлиб қолди, бироқ унинг активлари қиймати 13,7 миллиард доллардан 4,4 миллиард долларга тушди. Собиқ президент Пётр Порошенко миллиардерлар рўйхатини тарк этди, унинг бойлиги 1,6 миллиард доллардан 730 миллион долларга камайди.
Аввалроқ Алишер Усмонов Буюк Британиядаги топ-10 миллиардер рўйхатидан чиқиб кетгани, Роман Абрамович дўстларидан қарз сўраётгани маълум қилингани ва «Forbes» дунё миллиардерлари рўйхатини эълон қилгани ҳақида хабар берилганди.
