Халқаро футбол тарихи ва статистикаси федерацияси (IFFHS) йилнинг энг яхши футболчисини эълон қилди. Бу ҳақда федерация расмий сайтида хабар берилди.

Халқаро футбол тарихи ва статистикаси федерацияси (IFFHS ) маълумотларига кўра, ПСЖ ва Аргентина терма жамоаси ҳужумчиси Лионел Месси очколар бўйича жуда катта фарқ билан йилнинг энг яхши футболчиси деб топилди. Унга кўра, Месси 275 очко жамлаган бўлса, иккинчи ўринни эгаллаган Киллиан Мбаппеда 35 очко бор. 2022 йилги олтин тўп соҳиби Карим Бензема 30 очко билан кучли учликка кирган.

IFFHS талқинига кўра 2022 йилнинг энг яхши футболчилари рўйхати:

1. Лионель Месси (ПСЖ) — 275 очко;
2. Килиан Мбаппе (ПСЖ) — 35;
3. Карим Бензема («Реал») — 30;
4. Лука Модрич («Реал») — 15;
5. Эрлинг Холанд («Манчестер Сити») – 5.

Маълумот учун, ушбу совринни Роберт Левандовски 2020 ҳамда 2021 йилларда қўлга киритган эди.

Аввалроқ Аргентина Францияни пенальтилар сериясида мағлуб этиб, тарихда учинчи марта жаҳон чемпионига айлангани ҳамда Жаҳон чемпионати вақтида Месси яшаган хона музейга айлантирилиши ҳақида хабар қилинганди.