АҚШ Вакиллар палатаси Кевин Маккартини янги спикер сифатида сайлади
АҚШ Вакиллар палатаси 15-уринишда республикачи Кевин Маккартини янги спикер сифатида сайлади. Овоз бериш натижалари CNBC томонидан эълон қилинган.
Американинг барча етакчи телеканаллари томонидан трансляция қилинган овоз бериш натижаларига кўра, Маккарти 216 та овоз тўплаган. Унинг асосий рақиби — демократ Ҳаким Жефрисни эса 211 нафар конгрессмен қўллаб-қувватлаган. Бундан ташқари, яна олти нафар қонун чиқарувчи ўз овозини ҳеч кимга бермасликни маъқул кўрган.
Мазкур лавозим аҳамияти жиҳатидан АҚШда учинчи ўринда туради. Тайинловсиз палата иши бир неча кунга фалажланиб қолган, чунки қонун чиқарувчилар қасамёд қабул қила олмагани боис қонунчилик жараёнларига ўта олмайди.
Бу сафарги овоз бериш жараёнлари конгрессменлар бир мартадаёқ спикерни танлай олмагани сабабли АҚШ тарихида энг чўзилиб кетган 15-ҳолат ҳисобланади. Охирги марта бу каби ҳодиса 100 йил олди — 1923 йилда, ундан олдин эса Фурқаролик уруши вақтида содир бўлган. Фақат тўрт маротаба овоз бериш жараёнларининг 12 тадан ортиқ раунди талаб этилган.
Спикерни танлаш бўйича энг омадсиз уринишлар 1855 йилда содир бўлган — икки ой давомида 133 раунд ўтказилган ва қоидалар ўзгартириш киритилган. Овоз бериш жараёнларида ҳеч бир номзод палата аъзоларининг ярмидан кўпини овозини тўплаб олмагани боис, шунчаки бошқалардан кўпроқ овоз тўплаган номзодни сайлаш бошланган. Спикерни сайлаш бўйича 22 раунд давом этган жараён 1819 йилда содир бўлган.
Мавзуга доир: АҚШ парламенти Вакиллар палатаси 2023 йил учун рекорд даражадаги мудофаа бюджетини тасдиқлади
13 ноябрь куни АҚШ Демократлар партияси Сенатда минимал устунликка эришганди. Улар 100 та ўриндан 50 тасини қўлга киритган. Овозлар тенг бўлиб қолса, АҚШ вице-президенти Камала Харрис ҳам ўз овозини бера олади. Ўшанда Америка етакчиси оралиқ сайловлардаги вазият яхши кетаётганини айтганди. У овоз бериш жараёнлари якунидан ва Сенатда демократик назоратни сақлаб қолаётганидан мамнунлигини қайд этган.
