Бухорода ёнган 61 та дўкон, АҚШга кириш учун дарёни кечиб ўтаётган муҳожир, кучли ёмғир сабаб сув остида қолган автомобиллар — 7 январь суратлари
Бугуннинг энг сара суратларини эътиборингизга ҳавола этамиз.
Украинанинг Николаев шаҳрида Россия ракета зарбалари оқибатида электрсиз қолган ҳудудда итини сайр қилдираётган аёл.
Православ мазҳабининг Рождество байрамини нишонлаётган украиналиклар.
Фаластин ҳудудидаги православ руҳонийси Рождество амалларини бажармоқда.
Украиналик православ руҳонийси махсус маросимни адо этмоқда.
Туркиянинг Истанбул шаҳридаги юнон православ диндори Эпифания маросимида ёғоч хочни ўпмоқда.
Суриянинг Идлиб вилоятида, вақтинчалик лагердаги чодирда ногирон қизи олдида ўтирган одам.
Венесуэлалик муҳожир фарзандини кўтарганча Мексикадаги Рио-Гранде дарёсини кечиб ўтиб, АҚШга ўтишга интилмоқда.
Бухоро вилояти Ғиждувон туманидаги икки қаватли савдо мажмуасининг 960 квадрат метр майдонида 61 та дўкон ёниб кетди. Ҳодиса оқибатида ҳалок бўлган ёки жароҳатланганлар йўқ.
Италиянинг Генуя шаҳридаги бинода туширилган футболчи Жанлука Виаллининг сурати. Виалли 2023 йилнинг 6 январь куни 59 ёшида ошқозон саратонидан вафот этди.
АҚШ парламенти Вакиллар палатасининг 15-уринишда сайланган янги спикери республикачи Кевин Маккерти.
Австрия ҳудудидаги қияликда чанғи учаётган одамлар. Иқлимнинг нисбатан илиқ келиши сабаб Европанинг кўп қисмларидаги тоғларда қор деярли ёғмади.
АҚШнинг Калифорния штати Сакраменто округининг жанубидаги Диллард йўлида кучли ёмғир оқибатида сув остида қолган уч машина.
Қирғизистоннинг Бишкек шаҳри яқинида кўпкари бўйича баҳслашаётган чавандозлар.
Буюк Британиянинг Лондон шаҳридаги Драг Қуэен конвенцияси иштирокчиси.
