Фазлиддин Ғоибназаровдан қуш овлагани учун тушунтириш хати олинди

Ўзбекистонлик таниқли боксчи, Рио Олимпиадаси чемпиони Фазлиддин Ғоибназаров қуш овлагани ҳақида хабар берилганди. Давлат экология қўмиятаси мазкур ҳолатга муносабат билдирди.

Фото: Instagram / @fazliddingaibnazarov

Фазлиддин Ғоибназаров 5 январда ўзининг Instagram саҳифасига елкасида ов қуроли, оёқлари остида эса ўнга яқин қуш акс этган суратларни ҳамда ов жараёни акс этган видеони жойлаганди. Спортчининг мазкур суратлари ижтимоий тармоқ кузатувчиларининг кескин танқидларига сабаб бўлди.

Қайд этилишича, мазкур ҳолат 2022 йилнинг 30 декабрь куни Тошкент вилоятининг Бекобод туманидаги Сирдарё дарёсида содир бўлган. Фуқаро Х.У. томонидан қушлар овланган. Ўлжалар билан бевосита бошқа фуқаролар қаторида спортчи Фазлиддин Ғоибназаров ҳам фото ва видеотасвирга тушгани ўз тасдиғини топган.

Ўрганишлар давомида овни амалга оширган фуқаро Х.У.нинг ов қилишга тегишли ҳужжатлари мавжудлиги, у овчилик жамиятидан рўйхатдан ўтгани аниқланган Бироқ у ов жараёнида белгиланган меъёрларга амал қилмаган ҳолда ов қилиш қоидаларини қўпол тарзда бузгани ва бу билан табиатга зарар етказгани маълум бўлган.

Шу боисдан Маъмурий жавобгарлик тўғрисидаги кодекснинг 90-моддасига асосан ҳуқуқбузарга нисбатан жарима ва ҳайвонот оламига етказилган зарар миқдори ҳисобланиб, ов қуроллари Тошкент вилояти Бўка тумани ИИБга белгиланган тартибда топширилган. Юқоридаги ҳолат юзасидан барча иштирокчилардан бундай ҳолат бошқа такрорланмаслиги тўғрисида тушунтириш хатлари олиниб, профилактик суҳбат ўтказилган.

Фото: Давлат экология қўмитаси

Қўмита эълон қилган расмий муносабатда боксчи Фазлиддин Ғоибназаровнинг ўлжалар билан фақат суратга тушгани қайд этилган. Аммо спортчи Instagram саҳифасида эълон қилган ва кейинчалик ўчириб юборган видеода унинг ўзи ҳам ов қуролидан ўқ узиб, қушларни овлаётгани тасвирланган.

Шунингдек, Gazeta.uz мухбири Фазлиддин Ғоибназаров билан боғланганида, у ов қилганини тасдиқлаган.

«Эртага балиқ овласам ҳам, нега балиқ овладиларинг, деб ҳам ҳамма гапиради. Одамларга қўйиб берсаларингиз, тирноқ орасидан кир қидиради, тўғрими? [Қушлар] Қизил китобга киритилмаганку. Одамлар гапираверади, эътибор қилманглар», — деган спортчи.

Эслатиб ўтамиз, аввалроқ Ўзбекистонда 2022 йилда икки айиқни овлашга ажратилган квота бекор қилингани ҳақида хабар берилганди. Бундан ташқари, Экоқўмита раиси нима сабабдан «Қизил китоб»га киритилган айиқни овлашга рухсат бергани маълум бўлганди. Шунингдек, Ўзбекистонда ёввойи ҳайвонларни овлаш учун аризалар қабули қачон бошланиши айтилганди.

Ўзбекистон Туркияга зилзила оқибатларини бартараф этиш учун қутқарувчиларни юборади
Янгиликлар16:51 | 6.2.23
Ўзбекистон Туркияга зилзила оқибатларини бартараф этиш учун қутқарувчиларни юборади
Туркия ва Суриядаги зилзила оқибатлари — фоторепортаж
Медиа, Янгиликлар16:39 | 6.2.23
Туркия ва Суриядаги зилзила оқибатлари — фоторепортаж
АҚШ Ўзбекистондан виза учун берилган аризаларнинг 47 фоизи рад этгани маълум бўлди
Янгиликлар16:33 | 6.2.23
АҚШ Ўзбекистондан виза учун берилган аризаларнинг 47 фоизи рад этгани маълум бўлди
Ўзбекистонда ҳафтанинг иккинчи ярмидан ҳаво яна совий бошлайди
Янгиликлар15:59 | 6.2.23
Ўзбекистонда ҳафтанинг иккинчи ярмидан ҳаво яна совий бошлайди
Қорақалпоғистонда автоҳалокат оқибатида 5 киши ҳалок бўлди — видео
Янгиликлар15:25 | 6.2.23
Қорақалпоғистонда автоҳалокат оқибатида 5 киши ҳалок бўлди — видео
Бухорода «Нукус воқеалари»га алоқадор яна 39 киши устидан суд бошланди
Янгиликлар14:51 | 6.2.23
Бухорода «Нукус воқеалари»га алоқадор яна 39 киши устидан суд бошланди

Муҳим хабарлар

Ўзбекистон Туркияга зилзила оқибатларини бартараф этиш учун қутқарувчиларни юборади

16:51 · 06.02.2023

Туркия ва Суриядаги зилзила оқибатлари — фоторепортаж

16:39 · 06.02.2023

АҚШ Ўзбекистондан виза учун берилган аризаларнинг 47 фоизи рад этгани маълум бўлди

16:33 · 06.02.2023

Ўзбекистонда ҳафтанинг иккинчи ярмидан ҳаво яна совий бошлайди

15:59 · 06.02.2023

Қорақалпоғистонда автоҳалокат оқибатида 5 киши ҳалок бўлди — видео

15:25 · 06.02.2023

Бухорода «Нукус воқеалари»га алоқадор яна 39 киши устидан суд бошланди

14:51 · 06.02.2023

Шавкат Мирзиёев Ражаб Тоййиб Эрдўғонга ҳамдардлик билдирди

14:41 · 06.02.2023

Нукус воқеалари бўйича судланган собиқ ИИБ ходими Полат Шамшетов вафот этди

13:42 · 06.02.2023

«Бемор ўзи рози бўлиб ‘баракасиниʼ бериб кетади, етмайдими?». Иноятов шифокорларнинг маошлари камлигига жавоб қайтарди

12:08 · 06.02.2023

Ўзбекистон ТИВ Туркиядаги зилзила юзасидан расмий баёнот берди

11:32 · 06.02.2023