Маҳаллабай ишлаш агентлиги 8,4 млрд сўмга сайт буюртма қилгани бўйича тўпланган ҳужжатлар Бош прокуратурага юборилди

Маҳаллабай ишлаш ва тадбиркорликни ривожлантириш агентлиги 8,4 миллиард сўмга сайт яратиш бўйича шартнома имзолагани ҳақида хабар берилганди. Коррупцияга қарши кураш агентлиги мазкур ҳолат ўрганилганини маълум қилди.

Аниқланишича, Президентнинг 2021 йил 24 декабрдаги қарорига кўра, ҳоким ёрдамчилари фаолиятини самарали ташкил этиш ва баҳолаб бориш имконини берувчи ҳамда тегишли вазирлик ва идоралар маълумотлар базалари билан интеграция қилинган «Онлайн маҳалла» электрон платформаси ишга туширилишини таъминлаш вазифаси белгиланган.

Шунга кўра, Ўзбекистон Республикаси фармойишига мувофиқ, Маҳаллабай ишлаш ва тадбиркорликни ривожлантириш агентлиги ва Realsoft МЧЖ 2022 йил 18 май куни жами 8,4 миллиард сўмлик қийматдаги «Онлайн маҳалла» платформасини яратиш ва техник хизмат кўрсатиш бўйича тўғридан-тўғри шартнома расмийлаштирган.

Қайд этилишича, агентлик томонидан шартнома қиймати бозор тамойилларига мос тарзда шакллантирилганини ўрганиш мақсадида, мазкур соҳада фаолият юритувчи учта корхонага сўров юборилди.

Ушбу корхоналар томонидан «Онлайн маҳалла» платформаси 4,2 -5,1 миллиард сўмга яратиб берилиши, шу жумладан, бир йил давомида техник хизмат кўрсатиб борилиши ҳақида тижорат таклифлари тақдим қилинган.

Бундан ташқари, «Давлат харидлари тўғрисида»ги қонуннинг 71-моддасида тўғридан-тўғри шартномалар бўйича давлат харидлари Президент фармонлари ва қарорлари, Вазирлар Маҳкамаси қарорлари асосида амалга оширилиши кўрсатилган.

Шунга кўра, «Онлайн маҳалла» платформасини яратиш бўйича ўтказилган давлат харидини амалга ошириш жараёнида қонунчилик талабларига тўлиқ риоя қилинганлигига, шунингдек, товарларни, ишлар ва хизматлар нархлари бозор тамойиллари асосида шакллантирилганига қонуний баҳо бериш учун тўпланган ҳужжатлар Бош прокуратурага юборилган.

Эслатиб ўтамиз, Маҳаллабай ишлаш ва тадбиркорликни ривожлантириш агентлиги 8,4 миллиард сўмлик сайти логотипи бошқа бир илованинг логотипи билан бир хиллиги ҳақида хабар берилганди.  Bugun.uz мухбири ҳолатга аниқлик киритиш мақсадида агентлик ходими билан боғланганди.

«Мазкур ҳодиса юзасидан ўрганиш ишларини олиб бориш учун ишчи гуруҳ тузилган. Бу бўйича расмий саҳифаларимизда муносабат билдирамиз», — деган агентлик ходими.

Эслатиб ўтамиз, сайт яратилиши ҳақидаги маълумотлар пайдо бўлганидан сўнг ижтимоий тармоқ фойдаланувчилари «Онлайн маҳалла» веб-сайти логотипи JJC Business World иловаси логотипига ўхшашлигига эьтиборини қаратди.

«Ёшлар — келажагимиз» жамғармаси Қашқадарё филиали собиқ бошлиғи 1,8 млрд сўмни ўзлаштиргани аниқланди
Янгиликлар22:43 | 26.1.23
«Ёшлар — келажагимиз» жамғармаси Қашқадарё филиали собиқ бошлиғи 1,8 млрд сўмни ўзлаштиргани аниқланди
Ўзбекистон банкоматларида Humo ва Uzcard интеграция қилинади
Янгиликлар22:10 | 26.1.23
Ўзбекистон банкоматларида Humo ва Uzcard интеграция қилинади
Андижонда қариндоши томонидан аёл ва унинг вояга етмаган жияни ўлдириб кетилди
Янгиликлар21:42 | 26.1.23
Андижонда қариндоши томонидан аёл ва унинг вояга етмаган жияни ўлдириб кетилди
Бугун оқшоми. Қирғизистонга ташриф буюрган Мирзиёев, муаллифлар мафияси ҳақида гапирган Алламжонов ва аномал совуқ сабаб киритилган чекловларнинг бекор қилиниши
Янгиликлар21:00 | 26.1.23
Бугун оқшоми. Қирғизистонга ташриф буюрган Мирзиёев, муаллифлар мафияси ҳақида гапирган Алламжонов ва аномал совуқ сабаб киритилган чекловларнинг бекор қилиниши
Шавкат Мирзиёев Қирғизистонга борди — фото
Янгиликлар19:31 | 26.1.23
Шавкат Мирзиёев Қирғизистонга борди — фото
Россия ҳукумати яна 200 минг кишини сафарбарликка жалб этишни режалаштирмоқда. Кремль расмийлари бу маълумотни рад этмоқда
Янгиликлар18:38 | 26.1.23
Россия ҳукумати яна 200 минг кишини сафарбарликка жалб этишни режалаштирмоқда. Кремль расмийлари бу маълумотни рад этмоқда