Ангренда мактабда қорлар тозаланмагани учун ўқитувчиларни айблаган прокурор узр сўради

Ангрен шаҳри прокурори мактаблардан бирига текшириш учун келиб, йўллар қордан тозаланмаганидан норозилигини билдириб, ўқитувчилар маошларини беҳуда олаётганини таъкидлаган видео тарқалганди. Шаҳар прокурори Улуғбек Ҳабилжонов ушбу ҳолатдан афсусдалиги айтиб, барча ўқитувчилардан кечирим сўради.

Шаҳар прокурори, 2-сектор раҳбари сўзининг аввалида ўқитувчи ва мураббийларга чуқур ҳурмат сақлаган ҳолда улардан узр сўради.

«Мен Ангрен шаҳар прокурори, 2-сектор раҳбари Улуғбек Ҳабилжонов бўламан. Сўзимнинг аввалида ўқитувчи ва мураббийларга чуқур ҳурмат сақлаган ҳолда улардан узр сўраб қоламан. Хабарингиз бор, кеча ижтимоий тармоқларда менинг Ангрен шаҳридаги 22-сонли умумтаълим мактаб ҳудуди қордан тозаланмагани бўйича қилган видеохабарим терқалиб, кенг муҳокамаларга сабаб бўлмоқда.

Ушбу ҳолат бўйича қуйидагиларни маълум қиламан. Жорий йилнинг 18 январь куни шаҳр ҳудудидаги мактабларнинг ўқув йилига тайёргарлик ҳолатини ўрганиш мақсадида шаҳарнинг 4 та сектор раҳбарлари билан ўрганиш олиб бордик. 22-мактаб ҳудудида бўлган вақтимизда ҳудуд қор ва музламалардан тозаланмагани ва ўқув жараёнида ўқувчи ва ўқитувчиларнинг соғлиғига хавф туғилишини инобатга олиб, Telegram’да мактаб маъмуриятига ҳудудда тозалаш ишларига масъул кишилар ишни бажармаганини билдириб, буни бартараф қилиш лозимлигини айтдим», — деди прокурор.

Прокурор мактаб ҳудудини ўқитувчи ва мураббийлар эмас, балки ушбу ишга масъул шахслар бажаришини ташкиллаштириш лозимлигини сўрамоқчи бўлган.

«Мен ушбу ҳолатдан қаттиқ афсусдалигимни билдириб, бизга таълим бериб келаётган ёш авлодни тарбиялашда жонбозлик кўрсатаётган барча ўқитувчилардан узр сўраб қоламан», — дея қўшимча қилди Улуғбек Ҳабилжонов.

Тошкент вилояти прокуратурасининг маълум қилишича, Ангрен шаҳар прокурорига фаолиятда йўл қўйган хато ва камчиликлар учун интизомий жазо чораси қўлланилган.

Мактабгача ва мактаб таълими вазири Ҳилола Умарова ушбу вазият Бош прокуратура томонидан назоратга олинганини маълум қилди.

«Ижтимоий тармоқларда кенг муҳокамаларга сабаб бўлган вазият юзасидан Бош прокуратура раҳбарияти билан гаплашдим, ҳолат айни дамда назоратга олинган ва ўрганилмоқда. Президентимизнинг тегишли қарорларига асосан педагог ходимларини хизмат мажбурияти билан боғлиқ бўлмаган ишларга жалб қилиш қатъиян тақиқланганини эслатиб ўтаман.

Ўқитувчи қадрланмаган юрт ҳеч қачон тараққий этмайди. Шу боис барчадан жумладан мутасадди раҳбарларимиздан бугун давлатимиз раҳбари томонидан олиб борилаётган ўқитувчиларни улуғлаш ва жамиятда энг обрўли инсон қилиш давлат сиёсатини қўллаб-қувватлаб, бу борада энг аввало ўзимиз ўрнак кўрсатишимизни сўраб қоламан», — деб ёзади Умарова.

Аввалроқ Саида Мирзиёева ўқитувчилар зиммасига кераксиз ва ноқонуний вазифалар юклашни тўхтатишни сўрагани ҳақида хабар берилганди. Шунингдек, Ўзбекистонда ўқитувчиларнинг қонуний ҳуқуқларини ҳимоя қилувчи қонун лойиҳаси ишлаб чиқилгани маълум қилинганди. «Афсуски, фарзандларимизга таълим бераётган ўқитувчилар йиллар давомида ҳақ-ҳуқуқсиз, ҳимоясиз, қадрсиз бўлди. Улардан боғбон, фаррош, мактабга келган комиссияларга хизмат кўрсатувчи официант, зерикарли тадбирларда бўш залларни тўлдирувчи ‘массовка’, матбуот нашрларига мажбурий обуначи, тунги навбатчи ва мактаб қоровули сифатида фойдаланилди», — деган эди Саида Мирзиёева.

Ўзбекистон 2022 йилда салкам 70 млн долларга тенг электромобиль импорт қилган
Янгиликлар18:38 | 2.2.23
Ўзбекистон 2022 йилда салкам 70 млн долларга тенг электромобиль импорт қилган
Bloomberg эълон қилган миллиардерларнинг янги рўйхатида Алишер Усмоновнинг бойлиги 19,7 млрдга етган 
Янгиликлар18:02 | 2.2.23
Bloomberg эълон қилган миллиардерларнинг янги рўйхатида Алишер Усмоновнинг бойлиги 19,7 млрдга етган 
Yandex Go технологиялари ҳайдовчиларнинг ҳайдаш пайтида кескин манёврлар улушини икки баравар камайтирди
Янгиликлар17:56 | 2.2.23
Yandex Go технологиялари ҳайдовчиларнинг ҳайдаш пайтида кескин манёврлар улушини икки баравар камайтирди
Путин 24 февраль арафасида Федерал йиғинга мурожаат йўллаши кутилмоқда
Янгиликлар17:35 | 2.2.23
Путин 24 февраль арафасида Федерал йиғинга мурожаат йўллаши кутилмоқда
Шимолий Сўх ерости газ сақлаш иншооти яна қайта ишга туширилиши мумкин
Янгиликлар17:14 | 2.2.23
Шимолий Сўх ерости газ сақлаш иншооти яна қайта ишга туширилиши мумкин
Ўзбекистонда 45 мингдан ортиқ шахс ОИВ касаллиги билан яшаётгани маълум қилинди
Янгиликлар16:53 | 2.2.23
Ўзбекистонда 45 мингдан ортиқ шахс ОИВ касаллиги билан яшаётгани маълум қилинди

Муҳим хабарлар

Ўзбекистон 2022 йилда салкам 70 млн долларга тенг электромобиль импорт қилган

18:38 · 02.02.2023

Bloomberg эълон қилган миллиардерларнинг янги рўйхатида Алишер Усмоновнинг бойлиги 19,7 млрдга етган 

18:02 · 02.02.2023

Путин 24 февраль арафасида Федерал йиғинга мурожаат йўллаши кутилмоқда

17:35 · 02.02.2023

Шимолий Сўх ерости газ сақлаш иншооти яна қайта ишга туширилиши мумкин

17:14 · 02.02.2023

АҚШ Федерал заҳира тизими базавий ставкани охирги 16 йил ичидаги энг юқори даражага қадар оширди

15:48 · 02.02.2023

Ўзбекистонда хорижликларни вақтинча рўйхатга олиш тартиби соддалаштирилади

15:16 · 02.02.2023

Ўзбекистоннинг айрим ҳудудларида 3 февраль куни ёғингарчилик кузатилади

15:07 · 02.02.2023

Тошкент Оила ва хотин-қизлар бошқармаси ота-оналарга болаларини мактабга олиб бориб-олиб келишни маслаҳат берди

14:28 · 02.02.2023

«Даулетмурат Тажимуратовнинг қийноққа солингани тўғрисидаги баёноти ўрганилиши керак» — HRW

13:26 · 02.02.2023

Табиат ресурслари вазири БМТ тизимидаги ташкилотлар вакиллари билан учрашди

12:21 · 02.02.2023