Ўзбекистон Туркманистондан нефть сотиб олади
«Ўзбекнефтгаз» раҳбарияти мамлакатда ишчи ташриф билан бўлиб турган Туркманистоннинг Petronas Charigali Sdn Bxd компанияси делегацияси аъзолари билан учрашув ўтказди. Компания матбуот хизмати хабар беришича, музокаралар якунида томонлар 2023 йилда Туркманистондан Ўзбекистонга нефть етказиб бериш дастурини биргаликда тайёрлаш тўғрисида келишувга эришган.
Шунингдек, учрашувда Бухоро нефтни қайта ишлаш заводининг Petronas Charigali Sdn Bxd компаниясининг ишлаб чиқариш корхоналари билан ўзаро муносабатлари истиқболлари муҳокама қилинган. Заводга нефть хом-ашёси импорти борасида узоқ муддатли ҳамкорликни йўлга қўйиш имкониятига алоҳида эътибор қаратилган.
Маълумот учун, Petronas Charigali Sdn Bxd компанияси Каспий денгизининг Туркман шельфида нефть ва газ қазиб олиш операторларидан бири ҳисобланади. Малайзиянинг тўлиқ интеграциялашган нефть-газ трансмиллий компанияси Петронасънинг шўба корхонаси бўлиб, у ишлаб чиқариш ҳажми бўйича дунёдаги етакчи нефть ва газ компанияларидан биридир.
- Ўзбекистон Энергетика вазирлиги ва «Газпром» ўртасида газ соҳасида ўзаро ҳамкорлик қилиш бўйича «йўл харитаси» имзоланди
- Туркманистон Ўзбекистонга тўхтатилган газ экспортини қайта тиклади
- «Юксалиш» ҳаракати расмийларни имзоланган «йўл харитаси» мазмунини очиқлашга чақирди
- Энергетика вазирлиги «Газпром» билан имзоланган шартнома шартлари ҳақида маълумот берди
