Андижонда қариндоши томонидан аёл ва унинг вояга етмаган жияни ўлдириб кетилди
Бош прокуратура матбуот котиби Ҳаёт Шамсутдинов Андижонда қариндоши томонидан ўлдириб кетилган аёл ва унинг вояга етмаган жияни ҳақида маълумот берди. Вилоятнинг Хўжаобод туманида 25 январь куни тахминан соат 18:30 ларда 30 ёшли эркак 1960 йилда туғилган аммасининг яшаш уйида кредит қарзини тўлаш учун қарзга пул сўраган ва аммасидан рад жавобини олган.
Рад жавобини олганидан жаҳли чиққан эркак пулни қўлга киритиш мақсадида аммаси ва у билан яшовчи 2005 йилда туғилган жияни (амакисининг қизи)ни хўжалик пичоғи билан қасддан ўлдиради. Шундан сўнг, у хонадонда бўлган 7 миллиом сўм пулни олиб, воқеа жойидан яширинган. Олиб борилган тезкор-қидирув тадбирлар натижасида гумонланувчи ушланган. Ҳозирда тергов ҳаракатлари давом этмоқда.
