Марказий банк бошқарувининг йиғилишида асосий ставка йиллик 15 фоиз даражасида ўзгаришсиз қолдирилди. Мажлисда бу бўйича тегишли қарор қабул қилинган.

Бундан аввал, Марказий банки бошқарувининг 17 март кунги йиғилишида асосий ставкани 3 фоиз бандга ошириб, йиллик 17 фоиз даражасида белгилаш тўғрисида қарор қабул қилинганди. 9 июндаги йиғилишда эса асосий ставка 1 фоизга пасайтирилиб, йиллик 16 фоиз даражасида белгиланганди. 21 июль куни ўтказилган Марказий банк Бошқарувининг оралиқ йиғилишида эса асосий ставка 1 фоиз бандга пасайтирилиб, йиллик 15 фоиз даражасида белгиланган.

Маълумот учун, Ўзбекистонда 2021 йил якунига кўра инфляция даражаси 9,98 фоизни ташкил этган. Кўрсаткич 2020 йилда 11,1 фоизни ташкил этган бўлиб, икки йил ичида сезиларли даражада пасайган. Шунингдек, инфляция даражасининг кескин пасайишига 2021 йил давомида Марказий банк қаттиқ монетар сиёсат олиб боргани сабаб бўлган. Йил давомида регулятор асосий ставкани 14 фоиз даражасида ушлаб турган.