Украина президенти девони раҳбари маслаҳатчиси Михаил Подоляк Украина ҳудудига бостириб кириш оқибатида Россиянинг йирик шаҳарларида ички низолар авж олишини таъкидлади. У бу ҳақда у YouTube’даги «Майкл Наки» каналига берган интервьюсида айтиб ўтган.

Подолякнинг сўзларига кўра, Зеленский идорасининг Россия ичидаги урушнинг муқаррар авж олиши ҳақидаги изоҳлари Россия танлаган Украинага бостириб кириш йўлининг «тўғрилигини» тасдиқлайди. Шунингдек, у Украина Россия ҳудудига зарба бермаслигини, бироқ уруш Россия ҳудудига норозилик характеридаги ички воситалар орқали тўлиқ кириб боришини таъкидлади.

«Украинада вазият қандай бўлишидан қатъи назар, Россияда урушнинг ички кучайиши муқаррар ва турли мақсадларга қарши турли хил зарбалар бўлади. Нима учун, ким томонидан ва нима учун бу бошқа савол. Биз буни ҳозир муҳокама қила олмаймиз, Аммо, шунга қарамай, Россиянинг Москва, Санкт-Петербург, Екатеринбург шаҳарларида ички урушнинг кучайиши муқаррар», дейди у.

Михаил Подолякнинг сўзларига жавобан Россия президенти матбуот котиби Дмитрий Песков Россия қўшинларининг Украинага бостириб кириши Киев, шунингдек, АҚШ ва НАТОнинг агрессиясининг олдини олиш мақсадидаги мажбурий чора бўлганини айтиб ўтган.

«Киев режими ҳеч нарсадан қочмаслиги аниқ, бу танланган йўлнинг тўғрилигини ва ўзимизни шундай хавфдан ҳимоя қилиш ниятимиз тўғрилигини яна бир бор тасдиқлайди», — дея Подолякнинг сўзларига жавоб қайтарган Песков.

Эслатиб ўтамиз, Россия президенти Владимир Путин 21 сентябрь куни мамлакатда қисман ҳарбий сафарбарлик эълон қилган эди. Шундан сўнг Россия фонд бозори кескин қулаган. Сергей Шойгу сафарбарликка асосан кимлар чақирилишига ойдинлик киритганди. Сафарбарлик эълон қилиниши фонида мамлакатни оммавий тарк этишлар ортиб кетган ва бунинг оқибатида қатор шаҳарларга авиарейслар учун чипталар тугаб қолганди.