Ўзбекистоннинг 2022 йил якунлари бўйича ЯИМ статистикаси ҳамда саноат статистикаси ўртасида фарқ борлигига эътибор қаратган Bakiro Telegram-каналидаги ҳолат юзасидан Статистика қўмитаси тушунтириш берди.

Қўмитага кўра, 2022 йил якунлари бўйича эълон қилинган Ўзбекистоннинг ЯИМ ишлаб чиқаришга оид статистиканинг 14-саҳифасида йирик корхоналар томонидан ишлаб чиқарилган 70 млн кВТ-соат ҳажмли электр энергияси кичик корхоналар томонидан ишлаб чиқарилган 3,3 млн кВТ-соатни қўшган ҳолда умумий миқдорда 74,2 млн кВТ-соат қилиб келтирилган.

«Ўзбекистоннинг саноат ишлаб чиқаришига оид статистикада эълон қилинган 70 млн кВТ-соат электр энергияси ҳажми фақат йирик корхоналар томонидан ишлаб чиқарилган ҳажмларни ифодалайди. Ушбу статистикада республикадаги кичик корхоналар томонидан ишлаб чиқарилган электр энергияси ҳисобланмаган», — дейилади қўмита хабарида.

Шунингдек, Статқўм Ўзбекистоннинг ЯИМ ишлаб чиқаришга оид статистиканинг 20 саҳифасида эълон қилинган 328 118 дона енгил автомобиллар сонида 20 941 дона махсус енгил автомобилларни қўшган ҳолда келтирилган. Ушбу маълумотлар эса саноат ишлаб чиқаришига оид статистиканинг 9-саҳифасидаги махсус енгил автомобилларни қўшмаган ҳолда 307 177 дона этиб келтирилганига эътибор қаратган. Махсус енгил автомобилларни қўшмаган ҳолда 307 177 дона этиб келтирилган.

Шунингдек, қўмита қорида келтирилган барча маълумотлар (Ялпи ички маҳсулот ҳамда саноат ишлаб чиқариш ҳажми) Ўзбекистоннинг ЯИМ ишлаб чиқаришга оид статистикасида тўлиқ инобатга олинганини маълум қилган.