«Уч нафар дўстингизни қаманг». Биринчи дунё мамлакатига айланган Сингапур ва унинг коррупцияга қарши кураш усули ҳақида — видео
Сингапур тарихи, мамлакатнинг учунчи дунё давлатидан биринчига айланишига сабаб бўлган Ли Куан Ю принциплари ҳамда бугунги Сингапур ҳақида Bugun.uz лавҳа тайёрлади. Ушбу видеони кўришни тавсия қиламиз.
Қуйида ушбу қизиқарли лавҳанинг қисқача мазмунини келтирамиз.
Сингапурнинг ҳаробадан ривожланган давлатга айланишига турткиб ўлган уч ҳикмат — «Уч нафар дўстингизни қаманг», «Иқтисодни кўтармоқчимисиз? Қўшнилар билан уруш эмас, савдо қилинг» ва «Табиий ресурслар бўлмаса, мамлакатни муваффақиятга олиб бориш мумкинми? Ҳа, агар сиз қаттиқ ишлаб, ўзингизга ишонсангиз, мумкин».
Сингапурнинг сотиб пул қилиш мумкин бўлган газ ва нефть каби табиий ресурслари умуман бўлмаган. 1960 йилларда мамлакатда аҳоли жон бошига япли ички маҳсулот ҳажми 428 долларни ташкил этган — бу Коста-Рикадан бироз кўпроқ (381 доллар), Ямайкадан эса камроқ (429 доллар) дегани.
Аслида Сингапур миллати йўқ эди, аҳолининг 75 фоизини хитойликлар, 12 фоизи — малайликлар ва 8 фоизини ҳиндлар ташкил этган. Кўпчилик бу давлат яшаб кетиши, ривожланишига ва энг асосийси — мустақил давлат бўлиб кетишига ишонмаган.
Ли Куан Ю даврида Сингапур ҳукумати мамлакатда нефтни қайта ишлаш заводларини очиш учун жуда қулай шароитларни яратиб берган. Натижада Сингапур дунёдаги энг йирик нефтни қайта ишлар марказларидан бирига айланган.
Texas Instruments компанияси Сингапурда биринчи бўлиб ярим ўтказгичлар ва микроэлектроника ишлаб чиқарувчи компанияни очган, бир йилдан кейин мамлакатга HP ва General Electric кириб келган. Орадан 10 йил ўтгач, Сингапур дунёдаги энг йирик микроэлектроника экспортёрига айланади.
Ҳамма инглиз тилини ўқиши, ўрганиши шарт. Уларнинг она тили эса иккинчи тил бўлиши керак. Инглиз тили Сингапурнинг иккита катта муаммосини ҳал қилган, яъни ҳар хил миллатларни бирлаштирган ва халқаро бизнес оламига киришга ёрдам берган.
Мавзуга доир: Шавкат Мирзиёев Сингапурда мамлакат президенти ва бош вазири билан музокаралар ўтказди
Сингапур коррупцияни енгган. Мамлакатда терговчилар шубҳаланган шахснинг рафиқаси, фарзандлари, оиласининг барча аъзоларини текшириш ҳуқуқига эга. Терговчиларнинг ҳуқуқи ҳар қандай амалдорникидан катта.
Сингапур 30 йил ичида 750 мингта квартира қурган. Бугунги кунда Сингапур энг қиммат давлатлар ичида 3-ўринда, бизнес очиш учун энг қулай жойлар рўйхатида 1-ўринда туради.
Аввалроқ Шавкат Мирзиёев 16-18 январь кунлари Сингапурга давлат ташрифи билан бориши ҳақида хабар берилганди. Кейинроқ Президент энергетика ва коммунал тизимларда юзага келган аҳволни инобатга олиб Сингапурга ташриф давомийлиги 3 кундан 1 кунга қисқартирилишини таъкидлаганди. Ташриф давомида Президент Сингапур миллий университети ҳузуридаги Ли Куан Ю номидаги Давлат сиёсати мактабига ташриф буюрди, умумий қиймати қарийб 5 миллиард долларлик янги инвестиция, савдо ва молиявий келишувлар имзолади. 18 январ куни Давлат активларини бошқариш агентлиги ва Сингапурнинг Indorama компанияси «Фарғонаазот» АЖнинг 99,02 фоиз давлат улушини хусусийлаштириш бўйича келишувга эришгани маълум бўлди.
