Эрондаги ҳарбий объектларга дрон ёрдамида зарба берилди — видео
Эрон Мудофаа вазирлиги мамлакат ҳудудидаги ҳарбий объектларга 29 январга ўтар кечаси дронлар (учувчисиз учоқлар) ёрдамида ҳужум қилинганини малум қилди. Исфаҳон шаҳридаги ҳарбий объектда кучли портлаш «муваффақиятсиз» дрон ҳужуми туфайли содир бўлгани такидламоқда.
«Дронлардан бири ҳаво ҳужумига қарши мудофаа тизими ёрдамида уриб туширилди. Қолган иккитаси эса тузоққа туширилиб, портлатиб юборилди. Муассаса томига озгина зарар етган. Шунингдек, муваффақиятсиз ҳужум натижасида ҳалок бўлганлар йўқ», — дейилади хабарда.
Шунингдек, расмий хабарда ҳозирча ҳужум учун ким жавобгар эканлиги ҳақида маълумот берилмаган.
Аввалроқ Россияга дрон етказиб бергани учун Эрон ҳарбий объектларига зарба бериш таклиф қилингани ҳамда Эрон Саудия Арабистонига ҳужум қилиши мумкинлиги ҳақида хабар берилганди.
