NBC News’нинг хабар беришича, АҚШ ҳаво кучлари қўмондонлиги раҳбари генерал Майк Минихан Хитой ва АҚШ ўртасидаги уруш 2025 йилда бошланишини тахмин қилмоқда. Генаралнинг сўзларига кўра, Хитой ва АҚШ ўртасида Тайван учун уруш 2025 йилда бошланиши мумкин.

«Умид қиламанки, мен хато қиляпман. Бироқ, сезги аъзоларим менга 2025 йилда жанг қилишим кераклигини айтмоқда»,— дейди генерал.

Майк Миниханнинг таъкидлашича, 2024 йилда АҚШда ҳам, Тайванда ҳам президентлик сайловлари ўтказилиши сабабли Хитой ҳукумати бундан фойдаланиб, Тайванни эгаллашга ҳаракат қилиши мумкин. Қайд этилишича, қўмондон зобитларга 28 февралгача Хитой билан жангга тайёргарлик кўриш билан боғлиқ барча муҳим воқеалар ҳақида ҳисобот беришни буюрган. Шунингдек, у офицерларга март ойигача шахсий ишларини кўриб чиқиш ва ҳуқуқий муаммоларни ҳал қилишни топширган.

Мавзуга доир: Си Цзиньпин Хитой Тайванга нисбатан куч ишлатиш ҳуқуқидан ҳеч қачон воз кечмаслигини маълум қилди

АҚШ қўмондонлиги, генералнинг буйруқлари 2022 йилдаёқ «бўлажак тўқнашувга тўсқинлик қилиш муваффақиятсизликка учраган ҳолда» тайёрланиш учун қилинган саъй-ҳаракатларга асосланган.

Шунингдек, АҚШ Мудофаа вазирлиги матбуот котиби Майк Миниханнинг изоҳлари Қўшма Штатларнинг Хитойга нисбатан нуқтаи назарини акс эттирмаслигини ҳамда Пентагон Ҳинд-Тинч океани минтақасида тинчлик сиёсатини давом эттиришини маълум қилди. Аввалроқ АҚШ президенти Жо Байден Хитой Тайванга ҳужум уюштирадиган бўлса, Қўшма Штатлар оролни ҳимоя қилишга тайёр эканини билдирганди.