Ўзбекистонда 31 январдан 2 февралгача қандай об-ҳаво кузатилиши маълум бўлди. Бу ҳақда «Ўзгидромет» хабар берди.

Қорақалпоғистон Республикаси, Хоразм вилоятида ҳаво ўзгариб туради, ёғингарчилик кутилмайди. Ҳарорат 31 январь кечаси 5-10 даража совуқ, кундузи 2-7 даража илиқ, 1-2 февраль куни кечаси 3-8 даража совуқ, кундузи эса 2-7 даража илиқ бўлади.

Бухоро ва Навоий вилоятларида ҳаво ўзгариб туради, айрим жойларда ёмғир ёғади. Баъзи жойларга туман тушиши мумкин. Ҳарорат кечаси 2 даража совуқ 3 даража илиқ, кундузи эса 5-10 даража илиқ бўлади.

Тошкент, Самарқанд, Жиззах, Сирдарё вилоятларида ҳаво ўзгариб туради, 31 январь куни ёғингарчилик кутилмайди, 1-2 февралда баъзи жойларда ёмғир ёғади. Шунингдек, айрим жойларга туман тушиши мумкин. Ҳаво ҳарорати 31 январь кечаси 3 даража совуқ 2 даража илиқ, 1-2 февралда кечаси 1 даража совуқ 4 даража илиқ, кундузи эса 5-10 даража илиқ бўлади.

Қашқадарё, Сурхондарё вилоятларида ҳаво ўзгариб туради, баъзи жойларда ёмғир ёғади. Айрим жойларга туман тушиши мумкин. Ҳарорат кечаси 0-5 даража совуқ, кундузи 8-13 даража илиқ бўлади.

Андижон, Наманган, Фарғона вилоятларида ҳаво ўзгариб туради, 31 январь ҳамда 1 февраль кунлари ёғингарчилик кутилмайди. Водийнинг баъзи жойларида 2 февраль куни ёмғир ёғади. Шунингдек, айрим жойларга туман тушиши мумкин. Ҳарорат кечаси 1-6 даража совуқ, кундузи эса 2-7 даража илиқ бўлади.

Республиканинг тоғли ҳудудларида ҳаво ўзгариб туради, 1-2 февраль кунлари вақти-вақти билан ёғингарчилик (ёмғир, қор) кузатилади. Баъзи жойларга туман тушиши мумкин. Ҳарорат кечаси 3-8 даража совуқ, кундузи 2-7 даража илиқ бўлади.