Ўзбекистонда янги ўқув йилидан мактабларда 6 та фан ўтилмаслиги ҳақидаги хабарлар рад этилди
Мактабгача ва мактаб таълими вазирлиги ижтимоий тармоқларда янги ўқув йилидан бошлаб мактабларда 6 та фан ўтилмаслиги тўғрисида тарқалган хабарларга муносабат билдирди.
Ижтимоий тармоқларда жисмоний тарбия, чақириққа қадар бошланғич ҳарбий тайёргарлик, мусиқа маданияти, тасвирий санъат ва чизмачилик, технология, тарбия фанлари ўтилмаслиги ҳақидаги хабарлар тарқалди. Вазирликнинг қайд этишича, ушбу хабарлар 2020 йил карантин даврида чиққан эски маълумотлар бўлиб, бу чоралар пандемия даврида ўқувчиларнинг соғлиғини ҳимоялаш, ижтимоий масофани сақлаш ва ортиқча мулоқот қилишларининг олдини олиш мақсадида жорий этилган.
«Айни дамда ушбу маълумотлар мутлақо асоссиз эканини маълум қиламиз ҳамда ҳақиқатга зид бўлган ёлғон ахборот тарқатмасликни сўраб қоламиз», дейилади баёнотда.
Эслатиб ўтамиз, 2020 йилги пандемия даврида ўқув йилининг И ва ИИ чоракларида юқорида санаб ўтилган фанларни вақтинчалик ўтмаслик тавсия этилганди. Ўша ўқув йилининг ИИИ чорагиданоқ эпидемиологик вазият барқарорлашгани, деярли барча мактаблар фаолияти йўлга қўйилиб, 5,6 миллион нафар (90 фоиз) ўқувчилар анъанавий шаклда таълим олаётганли ҳамда кўпчилик ота-оналар ва педагогларнинг таклифларини инобатга олиниб, ушбу фанлар яна давом эттирила бошлаган.
Мавзуга доир: Ўзбекистонда бошланғич синф ўқувчиларини бепул тушлик билан таъминлаш учун қўшимча маблағ ажратилади
Аввалроқ Ўзбекистон журналистика ва оммавий коммуникациялар университети ректори Шерзод Қудратхўжанинг Халқаро пресс-клуб кўрсатувида мактаб дастуридаги физика ва кимё фанлари соатларини қисқартириш ҳақидаги таклифи кенг муҳокамаларга сабаб бўлганди. Кейинроқ Шерзод Қудратхўжа ҳолатга муносабат билдириб, унинг фикрлари нотўғри талқин қилинаётганини маълум қилган.
