Ноқулай об-ҳаво сабаб 2-5 февраль кунлари А-373 «Тошкент-Ўш» автомобиль йўлининг Қамчиқ довони худудида ҳамда М-39 «Тошкент—Шаҳрисабз—Термиз» автойўлининг Тахтақорача (Китоб) довонидан ўтган қисмида қор ёғиши, вақти-вақти билан кучли ёғингарчилик бўлиши, шунингдек, туман тушиши натижасида йўлларда кўринувчанлик 50 метргача қисқариши кутилмоқда. Шамол тезлиги кучайиши ҳамда йўлларда яхмалак ва қор уюмлари юзага келиши мумкин.

Бундан ташқари, «Ўзгидромет» прогнозига кўра, 2-6 февраль кунлари кутилаётган ёғингарчилик ҳамда ҳаво ҳароратининг сезиларли ўзгариши сабабли республиканинг тоғли ҳудудларида қор кўчиши хавфи эълон қилинди. Хусусан;

• Қашқадарё вилояти: Китоб, Шаҳрисабз, Қамаши, Деҳқонобод туманларида;
• Сурхондарё вилояти: Қумқўрғон, Сариосиё, Узун, Бойсун туманларида;
• Жиззах вилояти: Зомин, Бахмал туманларида;
• Тошкент вилояти: Паркент, Оҳангарон, Бўстонлиқ туманларида ва Чотқол тизмасининг «Чимён» тоғларида;
• Наманган вилояти: Поп туманида;
• Фарғона вилояти: Сўх, Фарғона туманларида қор кўчиш хавфи эълон қилинади.

«Тоғли ҳудудларда истиқомат қилувчи фуқаролар, дам олувчилар ҳамда тоғли ҳудудларда ҳаракатланувчи ҳайдовчилардан эҳтиёткорлик чораларини кўришларини сўраймиз», — дейилади «Ўзгидромет» хабарида.

Мавзуга доир: Вазирлар Маҳкамаси сел ва сув тошқинларига боғлиқ фавқулодда ҳолатларнинг олдини олиш бўйича йиғилиш ўтказди

Аввалроқ Ўзбекистонда февраль ойи ёғингарчилик билан бошланиши ҳақида хабар берилганди.