Тошкент шаҳри ҳокимлиги ҳузуридаги Ободонлаштириш бош бошқармаси бошқарувчиси вазифасини вақтинча бажариш Рустам Юсуповга юклатилди. Бу бўйича пойтахт ҳокими вазифасини бажарувчи Бахтиёр Раҳмоновнинг 31 январь кунги фармойишида келтириб ўтилган.

Рустам Юсупов шу пайтга қадар бош бошқарма бошқарувчиси нинг биринчи ўринбосари вазифасидан ишлаб келаётганди. У 1986 йил 12 ноябрда Наманган вилояти Чортоқ туманида таваллуд топган. Тошкент давлат аграр университети (2008) ва Ўзбекистон президенти қошидаги давлат бошқарув академиясини (2020) тамомлаган. 2007 йилдан 2020 йилгача Юнусобод тумани Ободонлаштириш бошқармасида фаолият юритган Рустам Юсупов 2020 йил ноябрь ойида шаҳар ободонлаштириш бош бошқармасига ишга ўтганди.

Пойтахт ҳокими вазифасини бажарувчи Бахтиёр Раҳмонов 27 январь куни Тошкент шаҳри ҳокимлиги ҳузуридаги Ободонлаштириш бош бошқармаси бошлиғи Анвар Умаров «ўз хоҳишига кўра» эгаллаб турган лавозимидан озод этиш тўғрисидаги қарорни имзолаганди. Анвар Умаров ушбу лавозимда 2021 йилнинг ноябрь ойи охиридан бери ишлаб келаётганди. Бунгача у президент қарори билан аҳолини электр ва газ билан таъминлашдаги инқироз туфайли ишдан олинган собиқ ҳоким Жаҳонгир Ортиқхўжаевнинг ёрдамчиси бўлиб ишлаган.

Аввалроқ Бахтиёр Раҳмонов аввалроқ собиқ ҳокимнинг ёрдамчиси сифатида фаолият юритган ва унга энг яқин одамлардан бири бўлган Музаффар Абдураҳмоновни ишдан олганди.