Тошкент шаҳрида жамоат транспорти ҳаракатини яхшилаш мақсадида бир қатор йўналишларда ҳаракат жадвалига ўзгартириш киритилди. Хусусан, айрим йўналишларда ҳаракатланувчи автобуслар вақти қисқартирилди ёки узайтирилди. Шунингдек, янги автобус йўналиши ҳам ташкил этилди.

«Тошшаҳартрансхизмат»нинг маълум қилишича, 152-сонли «Чорсу савдо маркази АШБ—Молия академик лицейи» янги боғловчи автобус йўналиши ҳаракати ташкил этилмоқда. Унга кўра, ушбу йўналишдаги автобуслар ҳар куни соат 5:30 дан 22:30 гача ҳаракатланиши белгиланган. Шунингдек, йўналишдаги жадваллар сони Isuzu автобуслари асосида иш кунларига 5 та, шанба кунларига 4 та ва якшанба кунларига 3 та этиб белгиланди.

Бундан ташқари, 29-сонли йўналиш ҳаракат йўналиши қисқартирилди. Хусусан, янги харитага кўра, йўналиш «Ҳувайдо маҳалласи»дан Ҳувайдо, Ал Хоразмий, Беруний, Алишер Навоий кўчалари орқали «Чорсу савдо маркази АШБ»га қадар ташкил этилди. Иш тартиби эса соат 6:00 дан 21:30 гача, жадваллар сони Isuzu автобуслари асосида иш кунларига 3 (+1) та, шанба ва якшанба кунларига 2 (+1) та этиб белгиланди.

Шунингдек, 122-сонли «Карвон бозори бекати — Қўйлиқ деҳқон бозори» автобус йўналиши, 151-сонли «Янги Ўзбекистон боғи — Буюк Ипак йўли метроси» боғловчи автобус йўналиши, 75-сонли «Обод маҳалласи — Оқтепа майдони» оралиғида ҳаракатланувчи автобус йўналиши ҳамда 112-сонли «Қипчоқ метроси — Қўйлиқ деҳқон бозори» оралиғида ҳаракатланувчи автобус йўналишларининг ҳаракат йўналиши узайтирилди.

Жумладан, 122-сонли «Карвон бозори бекати — Қўйлиқ деҳқон бозори» автобус йўналишининг  ҳаракати ТҲАЙдан Бектемир йўли, 4P21 Тошкент айланма йўли кўчалари орқали «Food City савдо мажмуаси»га қадар икки тарафлама ташкил этилди. Шунингдек, 151-сонли «Янги Ўзбекистон боғи — Буюк Ипак йўли метроси» боғловчи автобус йўналиши ҳаракати ҳам узайди. Йўналиш ҳаракати Ўқитувчи, Махтумқули кўчалари орқали Чирчиқ дарёсини кесиб ўтувчи кўприк остидан қайрилиб, «Янги Ўзбекистон боғи» бекатигача ташкил этилди.

Бундан ташқари, 75-сонли «Обод маҳалласи — Оқтепа майдони» оралиғида ҳаракатланувчи автобус йўналиши ҳаракати Қирариқ, Амир Темур кўчалари орқали «Самарқанд маҳалласи»га қадар икки тарафлама ташкил этилди.

Шу билан бирга, 112-сонли «Қипчоқ метроси — Қўйлиқ деҳқон бозори» оралиғида ҳаракатланувчи автобус йўналиши ҳаракати ҳам узайтирилди. Унга кўра, йўналиш ҳаракати Янги Сергели йўли, Шокирариқ, Орият кўчалари орқали «Олчазор маҳалласи»га қадар икки тарафлама ташкил этилди. Йўналишдаги жадваллар сони Isuzu автобуслари асосида иш ва шанба кунларига 6 (+2) та, якшанба кунларига 5 (+2) та этиб белгиланди.

Шунингдек, 39-сонли «3-метро бекати — Қўйлиқ бозори» автобус йўналиши, 142-сонли «Катта Ҳасанбой маҳалласи — Тикланиш маҳалласи» автобус йўналиши, 59-сонли «Дўстлик 2-мавзеси — Карвон бозори» автобус йўналиши ҳамда 184-сонли «Бинокор қўрғони — Сергели ярмаркаси» автобус йўналиши ҳаракатига ўзгартиришлар киритилди.

Хусусан, 39-сонли «3-метро бекати — Қўйлиқ бозори» автобус йўналиши ҳаракати Фарғона йўли, Бектемир йўли, 4P21 Тошкент айланма йўли кўчалари орқали «Food City савдо мажмуаси»га қадар икки тарафлама ташкил этилди.

Шунингдек, 142-сонли «Катта Ҳасанбой маҳалласи — Тикланиш маҳалласи» етказиб берувчи автобус йўналишининг ҳаракати  «Тикланиш маҳалласи»дан Тикланиш, Мойқўрғон, Аҳмад Дониш, Амир Темур шоҳкўчалари орқали «Шаҳристон метроси» бекатига қадар ва ортга қайрилиб ўз йўналишини давом эттирган ҳолда бир тарафлама ташкил этилди.

Бундан ташқари, 59-сонли «Дўстлик 2-мавзеси — Карвон бозори» автобус йўналиши Меҳригиё кўчасидан Қўрғонтепа, Қўрғонтепа 1-тор, Орият, 4Р21 Тошкент айланма йўли кўчалари орқали ва ўз йўналишини давом эттирган ҳолда икки тарафлама ташкил этилди. Шунингдек, 184-сонли «Бинокор қўрғони — Сергели ярмаркаси» автобус йўналиши ҳаракати «Бинокор қўрғони»дан Сангзор, Шоликор, Охунгузар кўчалари орқали «Тошлоқ маҳалласи»га қадар, «Сергели ярмаркаси»дан Янги Сергели йўли, Обиҳаёт кўчалари орқали Обиҳаёт ва Файли кўчалари кесишган чорраҳага қадар икки тарафлама ташкил этилди. Йўналишдаги жадваллар сони Isuzu автобуслари асосида иш кунларига 5 (+1) та, шанба кунларига 4 (+1) та ва якшанба кунларига 3 (+1) та этиб белгиланди.