Ўзбекистон 2022 йилда салкам 70 млн долларга тенг электромобиль импорт қилган
Ўзбекистон 2022 йилнинг январь-декабрь ойларида хорижий давлатлардан умумий қиймати 68,9 миллион АҚШ долларга тенг 2 180 дона электромобиль импорт қилди. Статистика агентлиги маълумотларига кўра, электромобиллар импорти 2021 йил билан солиштирилганда 1371 тага ошган. Ўзбекистонга охирги 5 йил давомида хориждан 3 171 та электромобиль импорт қилган.
Импорт қуйдаги давлатлардан амалга оширилган:
- Хитой – 1 941 дона;
- БАА – 111 дона;
- Германия – 58 дона;
- Гонконг – 42 дона
- Литва – 10 дона;
- Корея – 7 дона;
- Бошқа давлатлар – 11 дона.
Мавзуга доир: Ўзбекистонда маҳаллий электромобил хариди учун олинган кредит фоизининг бир қисми қоплаб берилади.
Аввалроқ электромобил ва гибрид автомобиллар 2030 йилгача божхона божидан озод этилиши, шунингдек, Ўзбекистонда Хитой компанияси тўлиқ циклда электромобил ишлаб чиқара бошлаши ҳақида хабар берилганди.
