Ўзбекистон доимий аҳолиси 2023 йил 1 январь ҳолатига кўра, 1920 йилга нисбатан 7 бараварга кўпайиб, 31,6 миллион кишини ташкил этди. Шундан эркаклар сони 18,1 миллион кишини, аёллар сони 17,8 миллион киши, шаҳар аҳолиси сони эса 18,3 миллион кишини, қишлоқ аҳолиси сони 17,6 миллион кишини ташкил этди. Ҳудудлар кесимида 2023 йил 1 январь ҳолатига кўра, энг кўп доимий аҳоли сони Самарқанд (4,1 миллион киши), Фарғона (3,9 миллион киши ) ва Қашқадарё (3,4 миллион киши) вилоятларида қайд этилди.

Статистика агентлиги маълумотларига кўра, 2022 йилда Ўзбекистонга хориждан кўчиб келганлар сони 2,3 минг нафарни ташкил этиб, 2021 йилга нисбатан 1,9 минг нафарга кўпайгани маълум бўлди. Шунингдек, Ўзбекистонга хориждан кўчиб келган сони 2018 йилда 2,9 минг, 2019 йилда 2,5 минг ҳамда 2020йилда эса 1,1 минг нафарни ташкил этган. Қайд этилишича, 2022 йилда хориждан кўчиб келганларнинг 1,1 минг нафарини эркаклар, 1,2 минг нафарини эса аёллар ташкил қилган.

Ўзбекистонга кўчиб келганларнинг асосий қисми Россия (813 киши — жами кўчиб келганларнинг 35 фоизи) ва Қозоғистон ( 761 киши — жами кўчиб келганларнинг 32,8 фоизи) давлатлари ҳиссасига тўгри келди. Шунингдек, Тожикистон (6,7 фоиз), Қирғизистон (4,8 фоиз), Туркманистон (1,6 фоиз) ва бошқа мамлакатлар (19,1 фоиз) ҳиссасига тўғри келган.

Шунингдек, 2022 йил давомида Ўзбекистондан хорижга кўчиб кетувчилар сони 2021 йилга нисбатан камайди. Хусусан, 2022 йилда хорижга кўчиб кетганлар сони 8,8 минг нафарни ташкил этган бўлса, ушбу кўрсаткич 2021 йилда 20,1 минг кишини ташкил қилганди. Аниқланишича, хорижга кўчиб кетганларнинг 4,1 минг нафари эркаклар, 4,7 минг нафари аёллар.

Мамалакатга кўчиб келганларнинг асосий қисми Қозоғистон (6 985 киши — жами кўчиб кетганларнинг 79,5 фоизи) ҳамда Россия (1 441 киши — жами кўчиб кетганларнинг 16,4 фоизи) давлатлари ҳиссасига тўғри келган.