Жиззах шаҳридаги хонадонларда бирида 31 январь куни 4 кишининг офыфвш топилди. Бош прокуратура матбуот котиби Ҳаёт Шамсутдиновнинг хабар беришича, 31 январ куни Жиззах шаҳар Сайилгоҳ кўчасида жойлашган хонадонларнинг биридан 4 нафар шахснинг мурдаси топилган. Уларнинг икки нафари талаба бўлган.

Мутахассисларнинг бирламчи маълумотига кўра, ҳодиса содир бўлган хонадонга ўрнатилган иситиш тизими табиий газдан фойдаланиш ва ёнғин хавфсизлиги қоидаларига жавоб бермаган.

Бундан ташқари, суд-тиббий экспертиза маълумотига кўра, марҳумларнинг ўлимига ис газидан заҳарланиши сабаб бўлган. Қайд этилишича, ҳолат юзасидан Жиноят кодексининг 207-моддаси 3-қисми «а» банди билан жиноят иши қўзғатилган.

Аввалроқ Қашқадарёда эр-хотин ҳамда уларнинг 3 ва 5 ёшли фарзандлари ис газидан вафот этгани ҳақида хабар берилганди.