«Мароқанд нефть базаси»  собиқ раҳбарлари ва ходимлари томонидан нефть маҳсулотларининг сақланиши, истеъмолчиларга етказиб берилиши, дебитор ва кредитор қарздорликлар билан кўплаб ноўрин харажатларга йўл қўйиш ҳолатлари аниқланиб, 48 834,1 млн.сўмлик молиявий хато ва камчиликларга йўл қўйилганлиги фош этилди, деб хабар бермоқда «Ўзбекнефтгаз» матбуот хизмати.

Нефть базанинг собиқ раҳбарияти ва мутасадди ходимлари ўзларига тегишли корхоналар ва фермер хўжаликларига жами 17 818,3 млн сўмлик нефть маҳсулотлари тўловсиз етказиб, ўзлаштиришган. Ҳисобчилари томонидан жамият ҳисоб рақамига келиб тушмаган жами 1 829,0 млн сўм сунъий равишда истеъмолчиларнинг интерактив карталарига киритилиб, нефть маҳсулотлари ўзлаштирилган. Бундан ташқари, иш хақи ва унга тенглаштирилган тўловлар билан боғлиқ жами 1 066,8 млн сўмлик ортиқча тўловлар ва молиявий хато-камчиликлар аниқланган. Собиқ бош ҳисобчи 10 405,7 млн сўмлик қўшилган қиймат солиғи ортиқча тўланган.

Жамиятнинг марказий нефть маҳсулотлари омбори ва тасарруфидаги ФЁТШларда жами 564,5 млн сўмлик нефть маҳсулотлари ва 89,0 млн сўмлик асосий воситалар ва инвентарлар камомадлари аниқланган. Марказий нефть маҳсулотлари омборида ва «Зиёвуддин» филиалида сақланиб келинаётган 6 365,6 тонна нефть маҳсулотлари ГОСТ стандарт талабларига мос келмаслиги маълум бўлган.

Темир йўл цехи, қозонхона ва автохўжаликлари томонидан 520,0 млн сўмлик нефть маҳсулотлари ҳисобдан асоссиз чиқарилган. 2022 йил 1 декабрь ҳолатига муддати ўтган дебитор қарздорлиги 50 555,1 млн сўмни ташкил қилган. Қарздорлик бўйича мажбурий ундирув кўрилмаганли 14 173,0 млн сўми умидсиз қарзга айланган. Жамият тасарруфидаги АЁҚШда 29,0 млн сўм чакана савдо пул тушумлари ўз вақтида Жамиятнинг тегишли ҳисоб рақамларига кирим қилинмаган.

Шартномаларнинг харид қонунчилигига тўғри келиши танлов асосида ўрганилганда қиймати 268,7 млн сўмлик шартномалар давлат ҳаридлари қонунчилигига зид равишда тўғридан-тўғри тузилганлиги аниқланди. Ўрганишда жами 4 522,9 млн сўмлик пул маблағлари Жамият ҳисоб рақамига ундирилиши таъминланди.

Аниқланган ҳолатларга ҳуқуқий баҳо бериш ва камомадларга йўл қўйган ходимларга нисбатан қонуний чора кўриш мақсадида, тўпланган ҳужжатлар ҳуқуқни муҳофаза қилувчи идораларга тақдим этилди.