МРБ Украинага тинчлик учун ўз ҳудудининг 20 фоизини беришни таклиф қилгани маълум бўлди
Жо Байден МРБ бошлиғига Россия ва Украина тинчлик музокараларини ўтказишга қанчалик тайёрлигини баҳолашни топширган
АҚШ президенти Жо Байден январь ойида MRB бошлиғи Уильям Бернсга Россия ва Украина тинчлик музокараларини ўтказишга қанчалик тайёрлигини баҳолашни топширган. Бу ҳақда Neue Zürcher Zeitung (NZZ) нашри иккита немис сиёсатчисига таяниб хабар бермоқда.
Фото: Getty Images
Манбаларнинг маълумотларига кўра, Москва ва Киевнинг бу борадаги жавоблари Ғарб давлатларининг Украинага танкларни етказиб бериш қарорини маъқуллашига сабаб бўлган. Бернс Киевга «ер эвазига тинчлик», Москвага эса «тинчлик эвазига ер» таклифлари билдирилган. Суҳбатдошларнинг сўзларига кўра, «ер» деганда Украинанинг 20 фоизга яқин ҳудуди назарда тутилган, бу Донбасс майдонида тенг демакдир (Донецк ва Луганск Халқ Республикалари 2022 йил кузда референдумлар натижаси бўйича Россия таркибига қўшилганди). Иккала томон ҳам таклифларни рад этган.
NZZ манбаларининг айтишича, Бернснинг «дипломатик миссия муваффақиятсизлигидан» кейин президент Жо Байден Германия канцлери Олаф Шолцга ён босиб, Украинага Abrams танклари берилишини маъқуллаган. Бу ўз навбатида Берлинга Киев учун Leopard 2 танкларини етказиб бериш имкониятини туғдирди.
Оқ уй ушбу маълумотларни рад этмоқда. Миллий хавфсизлик кенгаши матбуот котибининг ўринбосари Шон Дэвиттнинг маълум қилишича, NZZ маълумотлари «ҳақиқатга тўғри келмайди». МРБ вакили идора раҳбари январь ойида Москвага келмаганини айтган. Бернснинг Киевга сафари ҳақида ой бошида The Washington Post ёзганди.
АҚШ ҳукумати Украинага 2,2 миллиард долларлик янги ҳарбий ёрдам пакетини тайёрламоқда. Унинг ичидан узоқ масофага мўлжалланган ракеталар ўрин олиши тўғрисида хабар берилганди. Гап Boeing ва Saab Group компаниялари томонидан ишлаб чиқарилган GLSDB (Ground Launched Small Diameter Bomb) ракеталари ҳақида кетмоқда. Улар 150 километр узоқликка парвоз қила олади.
