Ўзбекистон 2022 йил якунига кўра, 87 та энг илғор тажрибаларга эга давлатлар қаторидан жой олди. Бу ҳақда БМТ Статистика бўлими хабар берди.

Қайд этилишича, 2019 йилда БМТ Тараққиёт дастурининг техник кўмаги билан Ўзбекистонда Миллий барқарор ривожланиш мақсадлари кўрсаткичлари бўйича Nsdg.stat.uz веб-сайти ишлаб чиқилган. Ўзбекистон Президенти ҳузуридаги Статистика агентлиги томонидан веб-сайт ўзбек, рус ва инглиз тилларида юритилади. БМТ сайтида келтирилишича, Статистика агентлиги томонидан 2018, 2019, 2020 ва 2021 йилларга мўлжалланган «Ўзбекистон Республикасида Миллий БРМларга эришиш бўйича статистик кўрсаткичлар тўпламлари» ўзбек, рус ва инглиз тилларида тайёрланган ва нашр этилган. Ўзбекистонда миллий БРМ мониторинг тизими учун 190 та индикатор долзарб деб тан олинган.

Статистика агентлиги томонидан юритиладиган миллий БРМ веб сайтидида 128 та миллий БРМ кўрсаткичлари, 60 та кўрсаткич эса, Tracker БРМ бошқарув панелида жойлаштирилган.

Эслатиб ўтамиз, 2022 йилда Тинчликсевар мамлакатлар рейтинги — GLOBAL PEACE INDEX натижаларига кўра, Ўзбекистон 163 давлат орасида 86-ўринни эгаллаганди. Ҳисоботга кўра, Ўзбекистон «Россия ва Евроосиё» гуруҳида энг катта яхшиланишни кўрсатган – 1,5 фоиз.

Аввалроқ гендер тенглиги бўйича мамлакатлар рейтинги эълон қилинганди. Шунингдек, дунё бўйлаб яшаш учун энг арзон ва қиммат шаҳарлар рейтинги тузилган.