Ёмғир остида қолган Тошкент — суратларда
Ўзбекистонда февраль ойи ёғингарчилик билан бошланиши ҳақида хабар берилганди. «Ўзгидромет» 31 январь куни Ўзбекистоннинг учта вилоятида кучли ёғингарчилик кузатилишидан огоҳлантирди. Тошкент шаҳрида ҳам 2-3 кундан буён ёмғир ёғишдан тўхтамади.
Прогнозларига кўра, 4 февраль куни ҳам республика бўйича ёғингарчилик кутилмоқда. Гидрометеорология хизмати маркази хабарида келтирилишича, баъзи ҳудудларда ёғингарчилик қор шаклида бўлиши мумкин. «Bugun.uz» фотомухбири 2-3 кундан бери ёмғирли об-ҳаво тарк этишни истамаётган Тошкент шаҳри кўчаларидан фоторепортаж тайёрлади.
Эслатиб ўтамиз, аввалроқ Ўзбекистон ҳудудига Ўрта Ер денгизи ҳудудларидан нам ва деярли илиқ ҳаво массалари кириб келиши кутилаётгани ҳақида хабар берилганди. Бунинг натижасида республика бўйича ҳафта давомида беқарор об-ҳаво бўлади.
