АҚШ мусодара қилинган Россия активларини биринчи марта Украина эҳтиёжлари учун беради
АҚШ бош прокурорининг айтишича, «Царьград» телеканали асосчиси Константин Малофеевнинг 5,4 млн доллари Украинага топширилади
АҚШ бош прокурори Меррик Гарланд «Сарград» телеканали асосчиси Константин Малофеевнинг мусодара қилинган активлари Украина эҳтиёжлари учун берилишини эълон қилди, деб хабар беради CNN.
«Бугун тарихда биринчи марта мусодара қилинган Россия активларини Украина эҳтиёжларига топшириш бўйича санкция чиқарганимни эълон қиламан», — дейди Гарланд Украина бош прокурори Андрей Костин билан учрашувдан кейин.
Ўз навбатида Костин АҚШга қўллаб-қувватлов учун миннатдорчилик билдирган: «Бугун қиймати 5,4 миллион долларга тенг мусодара қилинган активларнинг Украинада уруш сабаб вайрон бўлган инфратузилмани қайта тиклаш бўйича давлат департаментига бериш санкциясини кузатяпмиз. Украина халқи буни ҳеч қачон унутмайди», — дейди у.
Константин Малофеев 2014 йилдан буён АҚШ санкциялари остида қолиб келади. Мамлакат ҳукумати уни Қримнинг Украинадан ажралишига кўмаклашган Россия фуқароларини молиялаштиришда гумонлаган. 2022 йил баҳорида АҚШ ҳукумати бизнеменни ушбу санкцияларни четлаб ўтишда айблаган. 2023 йил февралда Америка суди прокуратурага Малофеевнинг активларини мусодара қилишга рухсат берганди. Бизнесменнинг ўзи эса Forbes’га берган интервьюсида гап 2014 йилга музатилган пуллар ҳақида кетаётганини тасдиқлаган.
2022 йил охирида АҚШ президенти Жо Байден Адлия вазирлигига Давлат департаменти мусодара қилган активларнинг бир қисмини Украинага ёрдам сифатида ажратиш имконини берадиган қонунни имзолаганди. Шу билан бирга, АҚШ ҳукуматида ушбу маблағлардан фойдаланиш имконияти чекланган.
