Тошкент вилояти Паркент тумани Заркент қишлоғида кран ағдарилиб кетиб, одам ҳалок бўлгани ҳақидаги видео бўйича «Ўзбекистон темир йўллари» муносабат билдирди.

Автокран билан юз берган бахтсиз ҳодисанинг асосий омилларидан бири юкни бир нечта кранлар билан кўтариш (спаренная перемещенние груза) асосида амалга оширилмаганлиги сабабли рўй берган. Автокранининг оғиб кетиши оқибатида автокран машинисти тан жароҳатлар билан Паркент тумани шифохонасига ётқизилган. Оғир жароҳатлар сабаб автокран машинисти шифохонада вафот этган, дейилади хабарда.

Қайд қилинишича, бахтсиз ҳодиса «ҚЙЛ-ЙЎЛ КЎПРИК ҚУРИЛИШ ТАЪМИР» МЧЖ томонидан мунтазам равишда хавфсизлик чораларини кўрмаганлиги сабаб рўй берган.

«Ўзбекистон темир йўллари» қўшимча қилишича, икки кран билан бир вақтнинг ўзида юкни кўтариш ва кўчиришга фақат қуйидаги шартлар бажарилган тақдирдагина рухсат берилади:

• иккала краннинг мутлақ хизмат кўрсатиш қобилияти ва тормозларнинг бир вақтнинг ўзида ишлаши;
• кранлар механизмлари ва ҳар бир кранга тушадиган юкларнинг тезлигининг, юк кўтариш қобилияти мутаносиблиги;

Шунингдек, агар юк траверс ёрдамида кўтарилса, у ҳолда унинг ташиш қобилияти кўтарилаётган юкнинг массасига мос келиши кераклиги, кранлар тенг кўтариш қобилиятига эга бўлганда, траверс тенг қулочли бўлиши кераклиги, юк илгаги унинг ўртасида бўлиши кераклиги ҳақида тушунтириш берилган.

Содир бўлган бахтсиз ҳодиса Тошкент вилояти меҳнат инспекцияси, мутахассислари томонидан махсус текшириш ўтказилади ва уларнинг хулосалари ҳуқуқ тарғибот органларига тақдим этилади, деб муносабатда қўшимча қилинган.