Ўзбекистоннинг Куала-Лумпурдаги элчихонаси вакиллари ва Малайзиянинг Паханг штати Администрацияси Инвестициялар ва хусусийлаштириш бошқармаси бошлиғи Ҳаслина бинти Баҳасан ўртасида онлайн-мулоқот бўлиб ўтди, деб хабар бермоқда «Дунё».

Маълумот учун, мазкур штат пальма ёғи ва каучук маҳсулотининг энг йирик экспортчиси, ҳудудда сабзавот ва гуруч етиштирилади. Саноат қишлоқ хўжалиги хом-ашёсини, пальма ёғи, каучук, ёғочни қайта ишлаш, нефть-кимё ва олтин қазиб олишга ихтисослашган. Бундан ташқари, штатда автомобилсозлик саноати ҳам ривожланган. Хусусан, штатда DRB-HICOM, DefTech, Isuzu, Mercedes-Benz, Volkswagen ва Suzuki каби компаниялар фаолият юритади.

Мавзуга доир: 2023 йил 1 январь ҳолатига кўра, Ўзбекистоннинг халқаро захиралари 35,7 миллиард долларни ташкил этмоқда.

Учрашувда Ўзбекистон ва Малайзия ўртасида ўзаро иқтисодий ҳамкорлик масалалари муҳокама қилинди. Хусусан, Малайзия томони Ўзбекистоннинг кон-металлургия саноатидаги, айниқса, олтин қазиб олишдаги тажрибасидан келиб чиқиб, кончилик соҳасида лойиҳаларни ишлаб чиқиш ва ўзаро тажриба алмашиш истагини билдирди.

Музокаралар натижасида Паханг штати ва мамлакат тармоқ вазирлик ва идоралари ўртасида ҳамкорлик истиқболларини муҳокама қилиш бўйича онлайн-тадбир ўтказишга келишилди.

Аввалроқ Ўзбекистон тоғларидаги 1 тн тупроқда қанча олтин борлиги маълум қилинганди, шунингдек, Ўзбекистон олтин захираларининг ўсиши бўйича дунёда бешинчи ўрин эгаллагани ҳақида хабар берилганди.