«Ўзгидромет» прогнозига кўра, 6 февраль куни республиканинг айрим ҳудудларида ёғингарчилик кузатилади, шунингдек, баъзи жойларга туман тушиши мумкин.

Тошкент шаҳрида ҳаво ўзгариб туради, ёғингарчилик кутилмайди. Ҳарорат кечаси 0-2 даража илиқ, кундузи эса 7-9 даража илиқ бўлади.

Қорақалпоғистон ва Хоразм вилоятида ҳаво ўзгариб туради, ёғингарчилик кутилмайди. Баъзи жойларга туман тушиши мумкин. Ҳарорат кечаси 3-8 даража совуқ, кундузи эса 4-9 даража илиқ бўлади.

Бухоро ва Навоий вилоятларида ҳам ҳаво ўзгариб туради, ёғингарчилик кутилмайди. Баъзи жойларга туман тушиши мумкин. Ҳарорат кечаси 2 даража совуқ 3 даража илиқ, кундузи эса 8-13 даража илиқ бўлади.

Тошкент, Самарқанд, Жиззах ва Сирдарё вилоятларида ҳаво ўзгариб туради, фақат Самарқанд вилоятида баъзи жойларда бироз ёмғир ёғиши мумкин. Шунингдек, жойларга туман тушиши мумкин. Ҳарорат кечаси 2 даража совуқ 3 даража илиқ, кундузи эса 5-10 даража илиқ бўлади.

Мавзуга доир: Вазирлар Маҳкамаси сел ва сув тошқинларига боғлиқ фавқулодда ҳолатларнинг олдини олиш бўйича йиғилиш ўтказди

Қашқадарё ва Сурхондарё вилоятларида ҳаво ўзгариб туради, баъзи жойларда бироз ёмғир ёғиши мумкин. Шунингдек, айрим жойларга туман тушиши мумкин. Ҳарорат кечаси 0-5 даража илиқ, кундузи эса 10-15 даража илиқ бўлади.

Андижон, Наманган ва Фарғона вилоятларида ҳаво ўзгариб туради, ёғингарчилик кутилмайди. Баъзи жойларга туман тушиши мумкин. Ҳарорат кечаси 2 даража совуқ 3 даража илиқ, кундузи эса 3-8 даража илиқ бўлади.

Республиканинг тоғолди ва тоғли ҳудудларида ҳаво ўзгариб туради, вақти-вақти билан ёғингарчилик (ёмғир, қор) бўлади. Шунингдек, қор кўчиши хавфи бор. Баъзи жойларга туман тушиши мумкин. Ҳарорат кечаси 1-6 даража совуқ, кундузи эса 2-7 даража илиқ бўлади.