Сирдарёда ноқонуний тарзда ёввойи тўнғиз овланди
Ижтимоий тармоқларда «Сирдарё тумани Шоликор МФЙда ёввойи тўнғизлар ахолига ҳужум қилаётгани, натижада одамлар жароҳатланаётгани айтилмоқда» мазмунида хабарлар тарқалди. Ҳолат юзасидан Сирдарё вилояти Экология ва атроф-муҳитни муҳофаза қилиш бошқармаси расмий муносабат билдирди.
Унга кўра, тармоқларда тарқалган сурат ҳамда видеохабардаги ҳолат 2022 йилнинг 7 октябрь куни содир этилгани аниқланган. Қайд этилшича, Гулистон тумани ҳудудида Б.А ўзига тегишли ов қуроли ёрдамида ов қоидаларини бузган ҳолда 1 дона ёввойи чўчқани овлаган.
«Видеотасвирдаги ёввойи чўчқани одамларга ташланганлик ҳолати(видеомонтаж) ушбу жараёнга таллуқли эмаслигини маълум қиламиз», — дейилади хабарда. Браконьерга нисбатан эса Маъмурий жавобгарлик тоғрисидаги Кодекснинг 90-модда 1-қисми билан маъмурий жарима жазоси белгиланган.
Мавзуга доир: Қорақалпоғистонда «Қизил китоб»га киритилган кийиклар отиб кетилди
Аввалроқ Олимпиада чемпиони Фазлиддин Ғойибназаров қуш овлагани ҳақида хабар берилганди. Табиат ресурслари вазирлиги ов жараёнида қонунбузарликка йўл қўйилгани ва табиатга зарар етказилганини тасдиқлаганди. Шунингдек, Қорақалпоғистонда «Қизил китоб»га киритилган кийиклар отиб кетилганди.
