Тошкентдан Хитойнинг Сиань шаҳрига тўғридан тўғри рейслар қайта тикланади
Хитойнинг Zhejang Loong Airlines Co.Ltd авиакомпанияси Сиань—Тошкент—Сиань йўналиши бўйича парвозларни тикламоқда, деб хабар беради Туризм ва маданий мерос вазирлиги.
Қайд этилишича, авиакомпания рейслари пандемия туфатли вақтинча тўхтаб қолган эди. 10 февралида эса пандемиядан кейинги биринчи парвоз амалга оширилади. Мунтазам парвозлар Airbus A320 самолётларида ҳафтада бир марта — жума кунлари амалга оширилиши режалаштирилган.
Маълумот учун, Zhejang Loong Airlines Co.Ltd авиакомпаниясининг Сиань—Тошкент—Сиань йўналиши бўйича илк чартер рейси 2019 йилнинг 27 сентябрида амалга оширилган. Ўшанда 173 кишига мўлжалланган Airbus А320neo самолёти Ислом Каримов номидаги Тошкент халқаро аэропортига келиб қўнган. Айнан Zhejang Loong Airline авиакомпанияси ҳамкорлигида Хитойнинг Сиань, Ханчжоу каби шаҳарларида Ўзбекистоннинг туристик салоҳияти тарғиб қилинган.
Шунингдек, 2020 йилнинг 10 январь куни авиакомпания томонидан Ченду—Тошкент—Ченду биринчи чартер рейси йўлга қўйилган. Zhejang Loong Airlines Co.Ltd авиакомпанияси 2012 йилда ташкил топган.
Мавзуга доир: Олмаотадан Самарқандга авиапарвозлар қайта тикланади
Аввалроқ Туркиянинг «Turkish Airlines» авиакомпанияси Истанбулдан Бухорога мунтазам авиарейслар йўлга қўйиши, шунингдек, Озарбайжондан Самарқандга авиақатновлар йўлга қўйиши ҳақида хабар берилганди.
