Туркия ва Сурияда уч кун ичида 15 мингдан ортиқ зилзила қурбонлари топилди
Туркияда 6 февраль тонгида юз берган зилзилалар оқибатида ҳалок бўлганлар сони 12 391 кишига етди. Шунингдек, яна 63 минг киши жароҳат олган. Бу ҳақда мамлакат Фавқулодда вазиятлар бошқармаси хабар берди.
«Аль-Арабия»нинг Суриянинг инсон ҳуқуқлари бўйича мониторинг марказига таяниб маълум қилишича, ер ости зилкинишлари оқибатида 3508 нафар суриялик ҳалок бўлган. Сурияда яна 5 мингдан ортиқ одам жароҳат олган.
Магнитудаси 7,7 га тенг зилзила Сурия чегарасидаги Қаҳрамонмараш туманида кузатилган. Туркия президенти Ражаб Тоййиб Эрдўғоннинг айтишича, ҳалокат 10 та вилоятга таъсир кўрсатган ва сўнгги 84 йил ичидаги энг ҳалокатли ҳисобланади: 1939 йилда Туркияда содир бўлган зилзила оқибатида 30 мингдан ортиқ одам ҳалок бўлганди.
Мавзуга доир: Ўзбекистонлик қутқарувчилар Туркияда вайроналар остидан 9 кишини қутқариб олди — видео
Аввалроқ Ўзбекистон ҳам Фавқулодда вазиятлар вазирлигининг бир гуруҳ қутқарувчиларини жўнатгани, Туркия президенти Ражаб Тоййиб Эрдўғон ҳалок бўлганлар хотирасига мамлакатда 7 кунлик мотам эълон қилгани тўғрисида хабар берилганди.
