Энди мамлакатнинг барча ҳудудларининг аҳолиси харидларни бир неча дақиқада ортиқча тўловсиз 3 ойга муддатли тўловга сотиб олиши мумкин — Uzum Nasiya’дан янгиланган муддатли тўлов энди Uzum Market’да мавжуд ва яқинда хизмат барча 1500 ҳамкор-дўконда ҳам ишга тушади.

Харидни муддатли тўловга расмийлаштириш учун Uzum Market иловасининг ўзида MyID давлат тизими орқали идентификациядан ўтиш кифоя қилади. Шунда, фойдаланувчилар ўзларининг карталари ёки ҳисобларининг маълумотларини киритиши керак бўлмайди, тезкор муддатли тўлов қўшимча маълумот киритишни талаб қилмайди, аммо харидор доимо катта миқдордаги тўлов ва уни тўлаш муддати (12 ойгача) бўйича мурожаат юбориши мумкин — лекин бунинг учун карта маълумотлари керак бўлади.

Бутун жараён атиги бир неча дақиқани талаб қилади, максимал тўлов миқдори 300 000 сўмни ташкил этади, биринчи тўловни бир ойдан кейин амалга ошириш мумкин, муддатли тўловнинг умумий давомийлиги эса 3 ойни ташкил қилади.

«0-0-3 муддатли тўлов ишга туширилиши билан бизнинг фойдаланувчиларимиз умумий сумма бўйича ортиқча тўлов йўқлигини ҳисобга олиб, шахсий ёки оилавий бюджетга оғирликни тақсимлаш орқали ўз харажатларини самарали бошқариш имкониятига эга бўлади. Шунингдек, ушбу функция биринчи харидини муддатли тўловга сотиб олмоқчи бўлганлар учун фойдали бўлади — харидни қилиш учун карта маълумотларини киритиш шарт эмас. Ишончимиз комилки, бизнинг фойдаланувчиларимизга хизматнинг тезлиги, шаффофлиги ва қулайлиги ёқади», деди Uzum Nasiya муддатли тўлов хизматининг молия директори ва ҳаммуассиси Илёс Матрасулов.

Реклама