Самарқанддаги шифохонада жанжал юз берди — видео
Ижтимоий тармоқларда Самарқанд вилояти Паяриқ тумани Челак шифохонаси ходимлари ўртасидаги жанжал акс этган видео тарқалди. Ҳолат юзасидан вилоят ИИБ муносабат билдирди.
Аниқланишича, мазкур ҳолат 2 февраль куни шифохонанинг режали хирургия бўлимида ходимлар ўртасидаги ўзаро келишмовчилик сабаб келиб чиққан. Ҳозирда ҳолат юзасидан вилоят соғлиқни сақлаш бошқармаси ишчи гуруҳи томонидан ўрганиш ишлари олиб борилмоқда.
Шунингдек, жанжалда тан жароҳати етказишда гумонланаётган А.Н. га нисбатан Паяриқ тумани ИИБ ҳузуридаги Тергов бўлими томонидан Жиноят Кодексининг 109-моддаси 2-қисми билан жиноят иши қўзғатилиб, дастлабки тергов ҳаракатлари олиб борилмоқда.
Мавзуга доир: Сурхондарёда ҳамшира аёл фарзанди олдида калтакланди
Аввалроқ Тошкентда тез ёрдам ходимлари яна калтаклангани ҳамда Қашқадарёда ҳамшира калтаклангани ҳақида хабар берилганди.
