Ижтимоий тармоқларда бир нечта шахсларнинг 1998 йилда туғилган Ш.А. ва 2003 йилда туғилган Ж.Л.ни калтаклаётгани акс этган видеолар тарқалди. Ҳолат юзасидан Ички ишлар вазири матбуот котиби маълумот берди. Аниқланишича, ушбу ҳолат 2023 йил 22 январь куни Тошкент вилояти Қибрай туманида юз берган.

Дастлабки суриштирув натижаларига кўра, ушбу жиноятни 2000 йилда туғилган М.А. ҳамда Х.З. содир этганлиги аниқланиб, Тошкент вилоятининг Қибрай тумани ҳудудида навбатдаги безорилик жиноятини амалга ошириш мақсадида воқеа жойига келган вақтида ушланган.

Қайд этилишича, мазкур ҳолат юзасидан тўпланган ҳужжатларга асосан Қибрай тумани ИИБ ҳузуридаги тергов бўлими томонидан Жиноят кодексининг 277-моддаси (безорилик) 2-қисми «б» банди билан жиноят иши қўзғатилган.

Ҳозирда жиноят ишига алоқадор бўлган жиноий гуруҳ аъзолари ҳамда уларни бошқа жиноий ҳолатларини аниқлашга қаратилган тезкор суриштирув тадбирлари ҳамда тергов ҳаракатлари олиб борилмоқда.

Мавзуга доир: «Кўчани хулиганлар назорат қилади». Самарқандда майда безорилик қилган тиктокерларга чора кўрилди

Аввалроқ Тошкентдаги мактабда ўқитувчи ўқувчининг акалари томонидан калтакланганди, шунингдек, Қашқадарёдаги бозорда ҳоким ўринбосарини калтаклаганларга нисбатан жиноят иши қўзғатилгани ҳақида хабар берилганди.