Самарқанддан Россияга учаётган самолётда носозлик юзага келди
Самарқанддан Россиянинг Самара вилоятига 13 февраль куни учган Utair авиакомпаниясига тегишли самолётда носозлик юз берди, дея хабар бермоқда Telegram’даги Air Incident канали.
Маълумотларга кўра, самолёт Қозоғистон ҳаво ҳудудида парвоз қилаётган пайтда TCAS тизими (ҳавода самолётлар тўқнашувининг олдини олиш тизими) ишламай қолган. Шунга қарамай, экипаж самолётда фавқулодда ҳолат эълон қилмасдан парвозни давом эттирган ҳамда маҳаллий вақт билан соат 21:31 да Курумоч аэропортига қўнган.
Мавзуга доир: Тошкентдан Олмаотага учган самолёт уюрмага тушиб қолди
Аввалроқ Москва—Тошкент йўналишида учган самолёт Навоийга фавқулодда қўндирилгани, шунингдек, Москва—Бухоро йўналишида учган самолёт Навоийга фавқулодда қўнгани ҳақида хабар берилганди.
