ЖССТ Хитойда тадқиқот олиб боришдаги қийинчиликлар, хусусан, Хитойнинг ташкилот мутахассислари билан ҳамкорлик қилишдан бош тортгани сабабли SARS-CoV-2 нинг лаборатория шароитида яратилган бўлиши мумкин бўлган версиясини батафсил ўрганиш учун мўлжалланган терговнинг иккинчи босқичи тўхтаб қолди. Бу ҳақда Nature журнали хабар берди.

Унда қайд этилишича, Жаҳон соғлиқни сақлаш ташкилоти (ЖССТ) Хитойда тадқиқот олиб боришдаги қийинчиликлар туфайли COVID-19 коронавирусининг келиб чиқиши бўйича тадқиқотнинг иккинчи босқичини кейинга қолдирган.

Маълумот учун, текширувларнинг биринчи босқичи 2021 йилнинг январь ойида бўлиб ўтган. Ўша пайтда бир гуруҳ экспертлар Хитойнинг Ухань шаҳрида бўлган. Мутахассислар Хитойдан қайтиб келгач, улар SARS-CoV-2 нинг пайдо бўлишининг тўртта версиясини тақдим этади. Хусусан, мутахассисларнинг фикрига кўра, коронавируснинг ҳайвонлар орқали одамларга юқиши версияси ҳақиқатга яқин дея айтилган. Шунингдек, вируснинг лабораторияда яратилиш эҳтимоли ЖССТ томонидан «жуда даргумон» деб аталган.

Натижада биринчи босқич «Хитойда ва бошқа жойларда нималар содир бўлганини» аниқлаш учун чуқур тадқиқотларнинг иккинчи босқичини ўтказишни талаб қилади, деб ёзади Nature журнали. Бироқ нашр билан суҳбатлашган экспертларнинг таъкидлашича, эндиликда босқичма-босқич текширув режаси ўзгарган. Бунга сабаб сифатида ҳозирги кунда рўй бераётган сиёсий воқеалар айтилган.

Аввалроқ олимлар коронавирус дастлаб қаердан тарқалганини аниқлагани, АҚШда коронавируснинг Уханда тарқалишига оид таҳлил натижаси эълон қилингани ҳақида хабар берилганди.