Ўзбекистондаги олий ва профессионал таълим муассасаларида тўлов-контракт маблағларини тўлаш муддати 15 мартга қадар узайтирилди, дея хабар берди Олий таълим, фан ва инновациялар вазирлиги.

Давлат комиссиясининг тегишли қарори билан 2022/2023 ўқув йилида олий таълим муассасалари бакалавриати ҳамда магистратурасига тўлов-контрактни расмийлаштиришнинг сўнгги муддати 15 мартга қадар узайтирилди. Маълум қилинишича, бу табақалаштирилган тўлов-контракт асосида талабаликка, профессионал таълим муассасаларига (коллеж, техникум) ўқувчиликка тавсия этилган абитуриентлар, ўқиши кўчирилган (кўчириб тикланган) ва қайта тикланган талабалар учун ҳам тегишли.

Шунингдек, қарор билан 2023 йил 20 январдан кейин контрактини тўлаганларнинг тўлови ҳам инобатга олинадиган бўлди.

Эслатиб ўтамиз, аввалроқ коллеж ва техникумлар учун тўлов-контракт миқдори ўзгаришсиз қолгани, Ўзбекистонда контракт тўлаш муддати узайтирилгани ҳамда «Переводчилар» учун ҳам супер-контрактга 10 фоиз чегирма берилшиши ҳақида хабар берилганди.