Тошкентнинг Юнусобод туманидаги ҳовлилардан бирида 55 ёшли ҳайдовчи бошқарувидаги Captiva орқага ҳаракатланаётиб, 2 ёшли болани босиб кетди, деб хабар беради пойтахт ИИББ ахборот хизмати.

Ҳодиса 14 февраль куни соат 16:00 атрофида «Белтепа» маҳалласида содир бўлган. Бола олган тан жароҳатлари туфайли оламдан ўтган.

Мазкур ҳолат юзасидан Ўзбекистон Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш одам ўлимига сабаб бўлса) билан жиноят иши қўзғатилган.

Аввалроқ Қашқадарёда «КамАЗ» 9 ёшли қизни босиб кетгани, Бухорода чиқинди ташиш машинаси босиб кетган она ва бола воқеа жойида ҳалок бўлгани, Наманганда «Жигули» мактаб ўқувчисини босиб кетгани тўғрисида хабар берилганди.

Эслатиб ўтамиз, бундан олдин Сурхондарёда икки Nexia иштирокидаги ЙТҲда ҳайдовчи ва йўловчи ҳалок бўлгани, Тошкентда ЙТҲда ҳалок бўлган йигитнинг онаси терговчиларни қотилни яширишда айблагани, Наманганда Malibu ва «Жигули» иштирокидаги ЙТҲда ҳайдовчилардан бири вафот этгани тўғрисида хабар берилганди.