Ўзбекистоннинг аксарият ҳудудларида 18 февраль куни ҳам ёғингарчилик кузатилади
«Ўзгидромет» Ўзбекистонда 18 февраль, шанба куни қандай об-ҳаво кузатилиши ҳақида маълум қилди.
Тошкент шаҳрида ҳаво ўзгариб туради, ёғингарчилик кутилмайди. Кечаси ва эрталаб туман тушиши мумкин. Ҳарорат кечаси 2–4 даража илиқ, кундузи 8–10 даража илиқ бўлади.
Қорақалпоғистон ва Хоразм вилоятида кечаси ва эрталаб баъзи жойларда бир оз қор ёғади. Қорақалпоғистонда ҳаво ҳарорати кечаси 5–10 даража совуқ, кундузи 2–7 даража илиқ, Хоразм вилоятида эса ҳарорат кечаси 2–7 даража совуқ, кундузи 4-9 даража илиқ бўлади.
Бухоро ва Навоий вилоятларида ёғингарчилик кутилмайди. Баъзи жойларга туман тушиши мумкин. Ҳарорат кечаси 2 даража совуқ–3 даража илиқ, кундузи эса 6–11 даража илиқ бўлади.
Тошкент, Самарқанд, Жиззах ва Сирдарё вилоятларида ёғингарчилик кутилмайди. Баъзи жойларга туман тушиши мумкин. Ҳарорат кечаси 0–5 даража илиқ, айрим жойларда 2 даражагача совуқ, кундузи эса 5–10 даража илиқ бўлади.
Қашқадарё ва Сурхондарё вилоятларида ҳаво ўзгариб туради, фақатгина Сурхондарё вилоятининг баъзи жойларда ёмғир ёғади. Ҳарорат кечаси 2–7 даража илиқ, кундузи 7–12 даража илиқ бўлади.
Андижон, Наманган ва Фарғона вилоятларининг баъзи жойларда ёмғир ёғади, туман тушиши мумкин. Ҳарорат кечаси 0–5 даража илиқ, кундузи 4–9 даража илиқ бўлади.
Республиканинг тоғолди ва тоғли ҳудудларида вақти-вақти билан ёғингарчилик (ёмғир, қор) бўлади. Қор кўчиши хавфи бор. Баъзи жойларга туман тушади. Ҳарорат кечаси 2–7 даража совуқ, кундузи эса 3 даража совуқ–2 даража илиқ бўлади.
Аввалроқ Ўзбекистоннинг айрим ҳудудларида ҳаво ҳарорати 15 даражагача кўтарилиши ҳақида хабар берилганди.
