Тошкентда судья 4 минг доллар пора билан ушланди
Жиноят ишлари бўйича Тошкент шаҳар Яшнобод туман суди судьяси 4 минг долларни пора тариқасида олаётганда қўлга олинди, деб хабар беради Kun.uz.
Тошкент вилояти прокуратураси матбуот хизмати амалдаги судьяга нисбатан шундай тадбир бўлганини тасдиқлаган, лекин ҳозирча иш тафсилотлари очиқланмаган.
Олий суд ахборот хизмати раҳбари Азиз Обидов тез орада расмий маълумот берилишини билдирган. Судьялар Олий кенгаши ахборот хизмати эса ҳозирча бундай маълумотга эга эмаслигини маълум қилган.
Аввалроқ Ўзбекистонда 2022 йилнинг биринчи ярим йиллигида 41 нафар судя ваколати муддатидан олдин тугатилгани ҳақида хабар берилганди. Бундан ташқари, 227 нафар судя интизомий жавобгарликка тортилган.
Мавзуга доир: Тошкентда судья 2,5 минг доллар пора билан ушланди
Эслатиб ўтамиз, аввалроқ Олий суд раиси Козим Комилов судлар 2016 йилгача бўлган даврга нисбатан очиқ ва мустақил эканини айтганди. Шунингдек, Қорақалпоғистон ва Хоразмда суд-ҳуқуқ соҳаси бўйича оммавий қабуллар ўтказилгани ҳақида хабар берилганди. Бундан ташқари, судьяларни лавозимига тайинлаш борасида ошкоралик тизими яратилиши ҳақида айтилган.
