АҚШ бошқа давлатлар томонидан Украинага қирувчи самолётлар етказиб берилишини олқишлайди, аммо мамлакатнинг ўзи бу борадаги ёрдамни ваъда қилмайди. Бу ҳақда Оқ уй Миллий хавфсизлик кенгаши стратегик координатори Жон Кирби маълум қилди.

«Бирор шерик ва иттифоқчилар Владимир Зеленскийга қирувчи самолётлар етказиб беришни истаса, шубҳасиз, бу уларнинг суверен қарори бўлиб, биз уни оқлаймиз», — дейди Кирби.

Унинг сўзларига кўра, АҚШ иттифоқчиларига Украинага нимадир етказиб беришни «ҳеч қачон ўргатмаган».

Кирбининг қўшимча қилишича, Вашингтон Украинанинг Қримга нисбатан ҳаракатлари амалга ошмагунга қадар бирор нарса демайди. Бундай ҳаракатлар бўйича қарор «Зеленскийга боғлиқ».

Бундан олдин америкалик сенаторлар АҚШ президенти Жо Байденни Киевга қирувчилар ва узоқ масофага мўлжалланган ракеталарни етказиб беришга чақирган эди. Уларнинг фикрича, Вашингтон украин учувчиларини тайёрлашни бошлаши керак.

Аввалроқ Ғарб давлатлари Украина расмийларининг ташаббуси билан Киевга реактив қирувчи самолётларни етказиб бериш имкониятини муҳокама қилишни бошлаганди. Манбага кўра, Вашингтон Киевга «ҳозирда самолётларни юбориш имконсиз» эканини айтган. Унинг айтишича, Украинанинг Ғарб томонидан қўллаб-қувватланиши масаласида «қизил чизиқ» мавжуд бўлиб, 2022 йили у HIMARS залп ўт очиш ракета тизимларини етказиб беришга таъсир кўрсатган, бироқ эътиборга олинмаган эди. Бу каби вазият танкларни юборишда ҳам кузатилган.

Шунингдек, АҚШ Украина томонидан Қримдаги Россия ҳарбий объектларига зарбалар берилишини қўллаб-қувватлашини билдирганди. Таъкидланишича, ҳатто уруш тугаганидан кейин ҳам АҚШ Украинага ҳарбий ёрдам кўрсатишда давом этади, чунки Россия можарони қайта тикламаслигига кафолат йўқ.