Ижтимоий тармоқларда Олий таълим, фан ва инновациялар вазири томонидан ёшлар ўртасида пайдо бўлаётган ёмон иллатлардан огоҳ қилиш мақсадида таъсирчан қисқа ҳикоялар нашр қилиш, ОТМда спектакллар намойиш этиш ҳамда қуёш панелларини ўз маблағлари ҳисобидан ўрнатиш, иситиш тизимларини (котёлларни) кўмирга ўтказиш, муқобил энергетикани жорий этиш бўйича дастур ишлаб чиқиш бўйича топшириқлари юзасидан тарқалаётган хабарларга расмий муносабат билдирилди.

Олий таълим, фан ва инновациялар вазирлиги матбуот хизматининг хабар беришича, ижтимоий тармоқларда тарқалаётган «Ёшлар ўртасида пайдо бўлаётган ёмон иллатлардан огоҳ қилиш мақсадида таъсирчан қисқа ҳикоялар нашр қилиш назарда тутилсин» деган сўзлар контекстдан узиб олинган.

Бироқ, Олий таълим, фан ва инновациялар вазирлиги томонидан ҳозирда шундай ҳикоялар тўплами нашр этишга тайёрланган ва уларни ОТМларнинг ижтимоий тармоқлардаги саҳифалари ва каналларида эълон қилиниши назарда тутилган. Бундан ташқари, Олий таълим, фан ва инновациялари Иброҳим Абдураҳмоновнинг топшириғи билан ОТМларда электр энергия билан таъминлайдиган қуёш панелларини ўз маблағлари ҳисобидан ўрнатиш ишларини амалга оширилади.

Шу билан бирга, талабалар турар жойларини, ўқув бино ва иншоотларини тўлиқлигича иситиш тизимларини (котёлларни) кўмирга ўтказиш, муқобил энергетикани жорий этиш бўйича дастур ишлаб чиқиш режалаштирилмоқда.

Шунингдек, эндиликда республикадаги барча ОТМлардаги талабалар шартли равишда учта гуруҳга ажратилади. Жумладан:

• Жиноятчиликка мойил талабалар;
• Ёд ғоялар таъсирига тушиш арафасидаги талабалар;
• Тартиб қоидаларга риоя этмайдиган талабала.

Ажратиб олинган талабаларга вазирлик ва олий таълим муассасаларининг раҳбар-ходимларини бириктирилиб уларнинг ота-оналари билан индивидуал суҳбатлар ташкил этиб борилади ҳамда талабалар билан ҳам индивидуал равишда иш олиб бориш режалаштирилган.

Аввалроқ Ўзбекистонда ишга жойланмаган битирувчилари кўп бўлган ОТМлар фаолияти тугатилиши мумкинлиги ҳақида хабар берилганди.