«Ҳудудий электр тармоқлари» АЖ томонидан 2022 йилда республикадаги 390,3 минг юридик ҳамда 7,4 миллион нафар маиший истеъмолчиларга 68 миллиард кВт-соат электр энергияси етказиб берилгани маълум бўлди. Бу ҳақда «ҲEТ» матбуот хизмати хабар берди.

Маълумотларга кўра, 2022 йил давомида «Ҳудудий электр тармоқлари» АЖ таркибий корхоналари тассаруфидаги 35-110 килоВатт кучланишли 1 787 та подстанциядан чиқувчи, 96 017 дона трансформатор пункти ва 270,3 минг километр узунликдаги электр узатиш тармоқлари орқали 390,3 минг юридик ҳамда 7,4 миллион маиший истеъмолчиларга 68,0 милиард кВт-соат электр энергияси етказиб берилган бўлиб, бу кўрсаткич 2021 йилнинг мос даврига нисбатан 105,6 фоизга ўсган.

Бундан ташқари, 2022/2023 йил куз-қиш мавсумини беталафот ўтказиш мақсадида 28 020,8 километр электр тармоқлари ва 9 685 та трансформатор пункти мукаммал таъмирдан чиқарилди. Шунингдек, 35-110 килоВатт қувватга эга подстанцияларда 86 дона куч трансформатори ва 377 та ўчиргичлар ҳам таъмирланди. Натижада республикадаги 3,5 мингдан ортиқ маҳалла ва қишлоқларда қарийб 3,7 миллион нафар аҳоли истеъмолчилари ва 210 минг тадбиркорлик субъектларининг электр энергияси таъминоти яхшиланган.

Аниқланишича, «Ҳудудий электр тармоқлари» АЖ томонидан 2022 йилда бюджет ва нобюджет фондларга жами бўлиб 1 077, 22 миллиард сўм миқдорида пул маблағи тўлаб берилган.

Мавзуга доир: Ўзбекистонда чиқиндилар газидан электр энергияси ишлаб чиқарадиган мажмуани қуриш бошланди

Аввалроқ «Ҳудудий электр тармоқлари» қуёш панеллари орқали ишлаб чиқариладиган электр энергиясини сотиб олишни бошлагани ҳақида хабар берилганди.