Учинчи жаҳон уруши ҳеч қачон ҳозиргидек яқин бўлмаган. Бу ҳақда АҚШнинг собиқ президенти Дональд Трамп маълум қилди.

Трампнинг сўзларига кўра, амалдаги президент Жо Байден Украинани қўллаб-қувватловчи ҳаракатлари билан дунёни уруш сари ундамоқда.

«Агарда сиз Байден Украина борасида қандай қадамларни амалга ошираётганини кўриб, тушунаётган бўлсангиз, у тизимли, балки онгсиз равишда, бизни Учинчи жаҳон уруши томон етакламоқда», — деб ёзади у ўзининг Truth Social ижтимоий тармоғига.

Ўз навбатида Американинг собиқ етакчиси Оқ уй, давлат ичидаги, Пентагон, Давлат департаментини «урушни ёқаётган» «Америка глобалистларидан» тозалашга ваъда берган.

Трамп бир неча бор амалдаги АҚШ администрациясининг ҳаракатлари Учинчи жаҳон урушини юзага келтириши мумкинлигини айтган. Хусусан, январь охирида у Байден «ўзининг заифлиги ва қобилиятсизлиги туфайли» дунёни янги қуролли қарама-қаршиликка олиб келишини таъкидлаганди.

Аввалроқ Дональд Трамп АҚШда ўтказиладиган кейинги президентлик сайловларида ғалаба қозонса, ҳарбий можарони ҳал этиш учун Владимир Путин ҳамда Владимир Зеленскийга қўнғироқ қилишга ваъда берганди. Собиқ президент агарда АҚШ етакчиси лавозимини сақлаб қолганида Россия ҳарбий операцияни бошламаган бўлиши ҳақидаги иддаосини қайтарган.