Вазирлар Маҳкамасининг «Ўзбекистон Қуролли Кучлари ҳарбий хизматчиларига ипотека кредити тақдим этиш орқали уй-жой билан таъминлаш тизимини такомиллаштириш бўйича қўшимча чора-тадбирлар тўғрисида»ги қарор қабул қилинди. Бу ҳақда «Норма.uz» хабар берди.

Унда қайд этилишича, илгари турар жойни ижарага олганлик (ижарада турганлик) учун ҳарбий хизматчиларга  пул компенсациясини тўлаш турар жой сотиб олиш (қуриш) учун узоқ муддатли имтиёзли ипотека кредити бўйича ўтказилган кундан бошлаб тўлиқ 12 ой ўтгандан кейин тўхтатиладиган дастлабки бадал эндиликда тўловлар уй-жой белгиланган тартибда фойдаланишга топширилгунга қадар тўланади.

Шунингдек, компенсация олиш учун ҳарбий хизматчилар ўзининг ва турмуш ўртоғининг номида шахсий турар жой мавжуд эмаслиги тўғрисида маълумотнома тақдим этиши лозим.

Мавзуга доир: Ўзбекистонда ҳарбий хизматчиларни уй-жой билан таъминлаш тартиби такомиллаштирилади

Эслатиб ўтамиз, аввалроқ Ҳарбий хизматчилар орасидан пенционерларни лицейлар ва касб-ҳунар коллежларига ишга қабул қилиш тартиби бекор қилиниши ҳамда Олий ҳарбий таълим муассасаларига ўқишга қабул қилиш тартибига ўзгартириш киритилиши мумкинлиги ҳақида хабар берилганди.