Ғарб ОАВлари хабар бераётган Россия ҳукуматининг Беларусь, Молдова ва Болтиқ давлатларини «ютиб юбориш» режаси ҳақиқатга тўғри келмайди. Бу ҳақда мамлакатнинг Буюк Британиядаги элчиси Андрей Келин LBC радиостанциясига берган интервьюсида маълум қилди.

«Мен бу қаердан келиб чиқаётгани номаълум бўлган гипотетик фаразни йил давомида эшитиб келяпман: эмишки, Россия Марказий Осиёни ўз назорати остида сақлаб қолмоқчи, Молдовани эгалламоқчи, демократия автократияга қарши туради. Буларнинг барчасининг реалликка ҳеч қандай алоқаси йўқ», — дейди Келин.

Дипломатнинг таъкидлашича, Россия Украина билан можароли вазият ва мамлакатнинг амалдаги ҳукумати, унинг фикрича, НАТОга аъзо давлатлар қўллаб-қувватлови остида Россияга қарши сиёсатни амалга оширмоқда.

«Биз оғир ўн йиллик бошланишида турибмиз, чунки айни вақтда жаҳон бозорида, иқтисодиётда, турли давлатларнинг кучлари нисбатан кўп нарса ўзгаряпти… Келгуси 10 йилда жаҳон тартибида жиддий ўзгаришлар бўлади», — дея қўшимча қилади у.

Бир гуруҳ журналистлар Россия ҳукуматининг «Россия Федерациясининг Беларусь йўналишидаги стратегик мақсадлари» номли ички ҳужжатини қўлга киритганди. Унда Кремль 2030 йилга қадар Беларуснинг сиёсий, иқтисодий ва ҳарбий потенциалини тўлиқ назорат остига олишни режа қилгани келтирилган,

Режани ишлаб чиқариш 2021 йилда амалга оширилган. Ҳужжат 17 варақдан иборат бўлиб, унда Россия ҳукуматининг Беларусдаги сиёсий, мудофаа, савдо ва ижтимоий мақсадлари баён этилган. Улар қисқа муддатли (2022 йилгача), ўрта муддатли (2025 йилгача) ва узоқ муддатли (2030 йилгача) ҳисобланади.

Аввалроқ Лукашенко Украинадаги урушни тугатиш шартини айтганди. Шунингдек, у дунёдаги янги «қурол» номини маълум қилганди. Бундан ташқари, Лукашенко Россияни ядро қуролидан фойдаланишга тайёр бўлишга чақирган. Декабрь охирларида Лукашенко чегарадаги кескинликни зудлик билан камайтириш кучларини нима сабабдан текшириш бошланганини тушунтирганди.