Тошкентда тахминан 3 кундан кейин кўзи ёриши керак бўлган, вужудида эгиз фарзандни асраган аёлини ўлдирган эркак 18 йилга қамалди. Бу ҳақда Миллий телеканалидаги «Миллар» кўрсатувида хабар берилган.

Маълум қилинишича, судланувчи ва марҳума 2016 йилда қонуний никоҳдан ўтишган. Судланувчининг сўзларига кўра, у чиқиндихонада ишлаб келган ва жанжалга аёли унга ўша жойда ишлашини айтиб, эрини «онаси»дан ҳақорат қилгани сабаб бўлган. Шунингдек, марҳума онасининг айтишича, туғилажак фарзан қиз фарзанд бўлгани сабаб жанжал келиб чиққан. Аёл 15 октябрь куни фарзандли бўлиши керак бўлган, бироқ 12 октябрь куни вафот етган.

Натижада суд ҳукми билан айбланувчи Жиноят кодекси 97-моддаси 2-қисми «б» бандида (Ҳомиладорлиги айбдорга аён бўлган аёлни қасддан ўлдириш) назарда тутилган жиноятни содир етганликда айбланиб, 18 йил муддатга озодликдан маҳрум етилган.

Мавзуга доир: Қашқадарёда эр рашк сабаб хотинини «бензопила» билан ўлдирди

Аввалроқ Фарғона шаҳрида ҳомиладор аёл рашк сабаб машина ичида ўзига ўт қўйгани тўғрисида хабар берилганди. Шунингдек, Жиззахда 22 ёшли эркак хотини ва вояга етмаган ўғлини ўлдириб, ёқиб юборгани, Қашқадарёда эркак устига бензин сепиб, ўт қўйгани маълум бўлганди.

Бундан ташқари, Жиззахда эр хотинини пичоқлаб ўлдиргани, Фарғонада эркак боласининг кўз ўнгида хотинининг бошига болта билан бир неча марта ургани, Сирдарёда эркак 37 ёшли хотинини ғишт билан уриб ўлдиргани тўғрсида хабар берилганди.